Սուրբ Սոֆիայի բոլոր արտեֆակտները կցուցադրվեն Ստամբուլի Սուլթանահմեթ հրապարակում գտնվող հողային ռեգիստրի և կադաստրի տարածաշրջանային տնօրինությանը պատկանող պատմական շենքում, որը պետք է վերածվի թանգարանի, հայտնում է Hurriyet-ը:

Ներկայումս շենքն ամբողջովին տարհանվում է, իսկ Սբ Սոֆիայի արտեֆակտների վերականգնման աշխատանքները շարունակվում են։

Ստամբուլի մշակույթի և զբոսաշրջության ղեկավար Կոսկուն Յըլմազը հայտնել է, որ թանգարան դառնալու համար նախատեսված այդ շենքը պատմական նշանակություն ունի։

«Թուրքական և իսլամական մշակույթի հայտնի թանգարանը գտնվում է շենքի հարևանությամբ»,- ասել է նա։

Թուրքիայի նախագահ Ռեջեփ Թայիփ Էրդողանը հուլիսի 10-ին ստորագրել է երկրի Գերագույն խորհրդի կայացրած որոշումը՝ Սբ Սոֆիա տաճարը թանգարանից մզկիթի վերածելու։ Տաճարն ուներ թանգարանի կարգավիճակ, որը ստացել էր 1934-ին։ Նախկինում Թուրքիան նույնպես փորձել է քրիստոնեական տաճարն իսլամական սրբատեղի դարձնել։ Դեռ 2005-ին այն ձախողվել էր Թուրքիայի Պետական խորհրդի որոշմամբ։ Տաճարը կառուցվել է 537 թվականին՝ բյուզանդական կայսրության օրոք։ Այստեղ են թագադրվել բյուզանդական կայսրերը։ 1000 տարուց ավելի տաճարը եղել է քրիստոնեական ամենամեծ եկեղեցին։