Կորոնավիրուսի համաճարակը 100 տարին մեկ պատահող առողջապահական ճգնաժամ է, որի հետևանքները տասնամյակներ կզգացվեն։ Այս մասին հայտարարել է ԱՀԿ ղեկավար Թեդրոս Հեբրեյեսուսը։
Պաշտոնյայի խոսքով՝ շուտ է զգոնությունը կորցնելու համար։
«Բազմաթիվ երկրներ, որտեղ կարծում էին, որ ամենավատն անցել է, կորոնավիրուսի նոր բռնկումների հետ են բախվում», - BBC փոխանցմամբ, ասել է ԱՀԿ ղեկավարը։
Նա ավելի վաղ հայտարարել էր, որ կորոնավիրուսի համաճարակը կազմակերպության պատմության մեջ ամենալուրջ մարտահրավերն է։ Այն շարունակում է ուժգնանալ, վարակվածների թիվը գրեթե կրկնապատկվում է։