Տավուշի մարզ այցելած նախագահ Արմեն Սարգսյանը մի խումբ զինծառայողների բարեխիղճ և պատասխանատվությամբ ծառայության համար պարգևատրել է Հանրապետության նախագահի անվանական ժամացույցներով։
Աշխատանքային այցի ընթացքում Արմեն Սարգսյանը Տավուշի թեմի առաջնորդ Բագրատ եպիսկոպոս Գալստանյանի և Տավուշի մարզպետ Հայկ Չոբանյանի ուղեկցությամբ այցելել է Չինարի սահմանամերձ գյուղ:
Նա եղել է Չինարիի դպրոցում, որի շենքը զգալիորեն տուժել էր հրետակոծության հետևանքով, վնասվել էր նաև գույքը: Սարգսյանի որդիների նվիրատվությամբ դպրոցին հատկացվել են գույք (սեղաններ, աթոռներ, պահարաններ), ինչպես նաև համակարգչային տեխնիկա: