ՆԱՏՕ-ի գլխավոր քարտուղար Անդրես Ֆոգ Ռասմուսենը և ԱՄՆ վարչակազմը գալիք շաբաթ քննարկելու են Հարավային Կովկասում «սառեցված հակամարտությունները» և տարածաշրջանում կազմակերպության քաղաքականությունը:

Դաշինքի գլխավոր քարտուղարը մայիսի 12-ին Վաշինգտոնում ելույթ է ունենալու «Անվտանգության նոր մարտահրավերները, նոր ՆԱՏՕ» զեկույցով: Այցի օրակարգում են կովկասյան տարածաշրջանում ՆԱՏՕ-ի գերակայությունների հարցերը և ներդրումային խնդիրները, հաղորդում է ՆԱՏՕ մամլո ծառայությունը: