Կարծես թե, ԱՄՆ նախագահ Ջորջ Բուշը որոշել է մեկ տարուց էլ քիչ մնացած նախագահության ժամկետում լուծել բոլոր հակամարտությունները, հատկապես ձգձգված: Դա վերաբերում է առանց բացառության լարվածության բոլոր օջախներին ամբողջ աշխարհում, որտեղ ակնհայտորեն կամ անուղղակիորեն «մեղավոր է» ԱՄՆ-ն: Եվ եթե Կոսովոյի հակամարտությունը ըստ ժամանակի վերջիններից մեկն է, ապա մերձավորաեւելյան հակամարտություններն արդեն 60 տարեկան են, իսկ հետխորհրդային տարածքի հակամարտությունները` 20: