Հուլիսի 13-ին Անկարայում վերջապես ստորագրվել էր Nabucco գազատարի իրականացումը սկսլեու մասին համաձայնագիրը, ինչն անմիջապես բազմաթիվ մեկնաբանությունների եւ բոլոր շահագրգռված կողմերի կանխատեսումների տեղիք տվեց: Բնական է, որ նախագծի իրականացման առնչությամբ ամենամռայլ կանխատեսումները հնչել եւ հնչում են Ռուսաստանից: Դե պարզ է, գազատարի գործարկման դեպքում Մոսկվան զրկվում է Եվրոպայի եւ Կովկասի վրա ճնշում գործադրելու շատ եւ շատ կարեւոր լծակից, ինչը նրան բնավ դուր չի գալիս: Մեծամասամբ ճիպոտով գործելուն սովոր ռուսական իշխանություններն ամեն ինչ կանեն, որպեսզի Nabucco-ն չգործարկվի:

Հայաստանում ավարտվող շաբաթվա հիմնական ներքաղաքական իրադարձությունը դարձավ Երեւանի ավագանիների խորհրդի աշխատանքը, ընդդիմության դանդաղընթաց բողոքի ցույցերը, 2008 թվականի մարտի 1-ի իրադարձությունների շուրջ փաստահավաք խմբի ցրումը, ՀՀ խորհրդարանում հարկային օրինագծի եւ «Հազարամյակի մարտահրավերները» ծրագրի կողմից Հայաստանի ֆինանսավորման դադարեցման քքնարկումը: