Բաքուն պատրաստվում է եթե ոչ գրավել Թուրքիայի տեղն Իսրայելում, ապա գոնե դառնալ երրորդը` մոռանալով «երրորդ ավելորդի» մասին: Ընդհանրապես պատմության մեջ հաջող եռամիությունների օրինակները քիչ են, առավել ևս տարբեր կրոնական հիմքի վրա: Ադրբեջանի ողջ ցավը նրանում է, որ նա այդպես էլ չի կարողանում կողմնորոշվել կրոնական պատկանելության հարցում և ճշտել, թե ով է ավելի մտերիմ` օտար սուննիական Թուրքիան, թե մոտ շիիթական Իրանը: Այդ ընտրության մեջ ամենատհաճն այն է, որ երկու դեպքում էլ Բաքուն պարտվում է: Որքան էլ հնազանդ լինի ժողովուրդը Ալիևների կլանին, իսլամում, ինչպես և ցանկացած այլ կրոնում, կան բաներ, որոնք դժվար է ստիպել ժողովրդին ընդունել:

Հայաստանի քաղաքական շաբաթն սկսվեց խորհրդարանի քառօրյա նիստերով, որոնց ընթացքում ԱԺ նախագահը պատասխանելով «Ժառանգություն» խմբակցության պատգամավոր Արմեն Մարտիրոսյանի հարցին, ասաց, որ հայ-թուրքական հարաբերությունների կարգավորման արձանագրությունները դեռևս գտնվում են Հայաստանի խորհրդարանի մեծ օրակարգում: Նա ավելացրել է, որ արձանագրությունները հանվել են միայն քառօրյայի օրակարգից:

Հայաստանի կառավարությանն առընթեր Պետեկամուտների կոմիտեն օրերս հրապարակել է «Խոշոր հարկ վճարողների հարկային վճարումների մոնիտորինգի հրապարկման ենթակա 2010թ.-ի հունվար ամսվա ամփոփ ցուցանիշների» տվյալները: 344 խոշոր հարկ վճարողներից նշված ցուցանիշի առումով աճ արձանագրվել է 202 կազմակերպությունների մոտ, նույն շրջանի համեմատ Հայաստան ներկրվող ապրանքների ու ծառայությունների ծավալն աճել է 55,1%-ով և կազմել 53,4 մլրդ դրամ: Ընդ որում, այս ցուցանիշի աճը հիմնականում պայմանավորված է ոչ միայն առևտրային նպատակով ներմուծված ապրանքների ավելացմամբ, այլև արտադրական պահանջներից ելնելով կազմակերպությունների կողմից ՀՀ տարածք ներկրված թանկարժեք սարքավորումներից: Այս ցուցանիշի աճը ուղիղ համեմատական կարգով իր անդրադարձն է ունեցել նաև ՀՀ սահմանին վճարված մաքսային վճարների վրա, որը 2010թ.-ի փետրվար ամսին նախորդ տարվա նույն ամսվա համեմատությամբ ավելացել է 49.9%-ով և կազմել 9.9 մլրդ դրամ: Բացի դրանից, 2010-ի փետրվարին անցյալ տարվա նույն շրջանի համեմատ խոշոր հարկատուների արտահանվող արտադրանքի ծավալները աճել են 9.3 մլրդ դրամով` կազմելով 19.8 մլրդ դրամ:

ՎիվաՍել-ՄՏՍ ընկերությունը միացել է "Արմիքս" Ինտերնետ թրաֆիքի փոխանակման հիմնադրամին, որը ստեղծվել է ապրիլի սկզբին Հայաստանում: Ինտերնետ eXchange-կենտրոնի օգնությամբ ծրագրվում է "պահել" Ինտերնետի թրաֆիքի 20-30% Հայաստանում, ինչն իր հերթին թույլ կտա մոտավորապես նույնքանով նվազեցնել Ինտերնետի գները: "Արմիքսի" հիմնադիրներն են Տեղեկատվական տեխնոլոգիաների ընկերությունների միությունն ու "Ինտերնետ հասարակություն" հասարակական կազմակերպությունը: Նախաձեռնողական խմբի մեջ մտել են նաև Հայաստանի հեռահաղորդակցման սեկտորի այնպիսի առաջատար ընկերություններ, ինչպիսիք են Orange Armenia, ADC, Ucom, iCon, Web, Apaga Technologies, GNC Alfa, Shirak Technologies և այլն:

Ամենասովորական այս լուսանկարը, որ նկարվել է 1926 թվականին Երեւանում, պատմում է հայ ժողովրդի մի քանի սերնդի ու մի ընտանիքի անսովոր կյանքի մասին: Լուսանկարի կենտրոնում Արամ Մանուկյանն է, նրանից ձախ` Հայկանուշը, աջ` Մարիամն ու նրանց երկու դուստրերը` Արշալույսն ու Մայրանուշը, Սիրանուշի լույս աշխարհ գալուն դեռ երեք տարի կար:

Հոկեյ. Ապրիլի 14-18-ը Կարեն Դեմիրճյանի անվան մարզահամերգային համալիրում կայացավ 3-րդ դիվիզիոնի տափօղակով հոկեյի աշխարհի առաջնության վերջին խաղերը: Առաջնությանը մասնակցում էին Հայաստանի, Հյուսիսային Կորեայի, ՀԱՀ և Մոնղոլիայի հավաքականները: Հայաստանի հավաքականը 3 հանդիպումներում հաղթանակ տարավ և պարտություն կրեց միայն եզրափակչում` հյուսիսկորեացիներից: Նրանց հետ առաջին խաղում հայ հոկեիստները կարողացել էին տանել շատ դժվար հաղթանակ` 7:6 հաշվով: Բայց եզրափակչում ավելի ուժեղ էր Հյուսիսային Կորեայի հավաքականը և հաղթեց 5:2 հաշվով: Վերջինս նվաճեց ոսկե մեդալներ, իսկ Հայաստանի հավաքականը` արծաթե:

2010 թվականը խոստանում է հայկական կինոյի վերածննդի տարի դառնալ: Համենայնդեպս, Հայաստանի Ազգային կինոկենտրոնի (ՀԱԿ) տնօրեն Գևորգ Գևորգյանը վստահ է դրանում. "Ընթացիկ տարվա մայիսի 12-23-ը Կաննի կինոփառատոնում և կինոտոնավաճառում Հայաստանը կներկայացնենք բարձր մակարդակով և առանց կազմակերպչական թերությունների: Կինոթատրոններն արդեն վարձվել են հայկական ֆիլմերի ցուցադրության համար, որոնց ընդհանուր թիվը 35-ն է: Բացի դրանից, մինչև տարեվերջ ցուցադրության համար պատրաստ կլինեն հայ ռեժիսորների 7 լիամետրաժ ֆիլմեր: Ֆիլմերի նկարահանմամբ զբաղված են 6 երիտասարդ ռեժիսորներ, որոնք նոր ոճ և որակ կներմուծեն կինո":