Հայաստան և աշխարհ.

Լայնորեն գովազդված Աստանայի ԵԱՀԿ գագաթնաժողովի տապալումը

Եթե իսկապես համեմատել Ստամբուլում տեղի ունեցած ԵԱՀԿ գագաթնաժողովը ներկա գագաթնաժողովի հետ, ապա 1999-ին ընդունվել են ինչ-որ որոշումներ, որոնք ազդել են Հարավային Կովկասում ուժերի դասավորության վրա

3 դեկտեմբերի 2010
Իսկական ասիական ոգով լայնորեն գովազդված Աստանայի ԵԱՀԿ գագաթնաժողովն ինչ-որ առումով կարելի է տապալված համարել: Արդեն միայն այն, որ գագաթնաժողովին չեն մասնակցել Բարաք Օբաման և Նիկոլյա Սարկոզին, բացասական է Ղազախստանի համար` չխոսելով արդեն ՌԴ նախագահ Դմիտրի Մեդվեդևի գլխավորությամբ ռուսական պատվիրակության բացահայտ դեմարշի մասին, որն առանց փաստաթուղթը ստորագրելու լքեց Աստանան: Հենց հռչակագիրը հազիվ թե իսկապես արտացոլում է ԵԱՀԿ տարածքում իրերի դրությունը:
Սպորտ.

Արայիկ Միրզոյանը դարձավ ծանրամարտի Եվրոպայի չեմպիոն

Նոյեմբերի 18-25-ի գլխավոր սպորտային իրադարձությունների ամփոփում

27 նոյեմբերի 2010
Ծանրամարտ. Արայիկ Միրզոյանը դարձել է մինչև 23 տարեկանների ծանրամարտի Եվրոպայի չեմպիոն: Միրզոյանը 77 կգ քաշային կարգում «երկամարտի» արդյունքում բարձրացրել է 341 կգ: «Պոկում» վարժությունում նա բարձրացրել է 155 կգ, իսկ «հրում» վարժությունում` 186 կգ և 5 կգ-ով առաջ անցել Հայաստանի մեկ այլ ներկայացուցիչ Աղասի Աղասյանից: Աղասի Աղասյանը դարձել է առաջնության արծաթե մեդալակիր, երրորդ տեղում Սեմի Յաղչին է (Թուրքիա) 325 կգ արդյունքով: Նոյեմբերի 22-ին երկու քաշային կարգերում հանդես են եկել կանայք, մինչև 53 կգ կարգում Հայաստանը ներկայացնում է Էլեն Գրիգորյանը: Գրիգորյանը «պոկում» վարժությունում բարձրացրել է 72 կգ-անոց ծանրաձող, իսկ «հրումում»` 102 կգ: Այսպիսով, նա երկամարտի արդյունքում բարձրացրել է 174 կգ և զբաղեցրել երկրորդ տեղը: Հայաստանի ներկայացուցիչ Ռուբիկ Մամոյանը մինչև 62կգ քաշային կարգում դարձավ Եվրոպայի փոխչեմպիոն: «Պոկում» վարժությունում հայ ծանրորդը երեք մոտեցումներից օգտագործեց միայն 2 և կարողացավ բարձրացնել 125 կգ ծանրաձողը: Իսկ «հրում» վարժությունում նա բարձրացրեց 145 կգ: Երկամարտի արդյունքում Մամոյանը բաձրացրեց 270 կգ և գրավեց 2-րդ տեղը: Նոյեմբերի 23-ին մինչև 23 տ ծանրամարտի ԵԱ-ում անհաջող ելույթ ունեցավ հայ ծանրորդ Սմբատ Մարգարյանը (56 ք/կ): Մարգարյանը «պոկում» վարժությունում օգտագործեց միայն մեկ մոտեցում և բարձրացրեց 101 կգ, իսկ «հրում» վարժությունում չկարողացավ օգտագործել ոչ մի մոտեցում: Ծանրամարտի Եվրոպայի առաջնությունում նոյեմբերի 23-ին Հայաստանին հավաքականին բրոնզե մեդալ բերեց Վանիկ Ավետիսյանը (69 ք/կ): Նա «պոկում» վարժությունում օգտագործեց միայն մեկ փորձը և բարձրացրեց 135 կգ ծանրաձողը, «հրում» վարժությունում նա բարձրացրեց 165 կգ և 300 կգ արդյունքով զբաղեցրեց 3-րդ տեղը:
Տնտեսություն.

Արդյո՞ք մատչելի են ավտոապահովագրման պայմանագրերը հայ վարորդների համար

Հայաստանում ԱՊՊԱ պայմանագրերի արժեքը նույնն է ինչպես մայրաքաղաքի, այնպես էլ մարզերի բնակիչների համար, որտեղ վթարների հավանականությունը շատ ավելի քիչ է

25 նոյեմբերի 2010
2011թ. հունվարի 1-ից Հայաստանում ուժի մեջ կմտնի պարտադիր ավտոապահովագրության (ԱՊՊԱ) մասին օրենքը, որի համաձայն բոլոր ավտոսեփականատերերը պարտավոր են պայմանագրեր կնքել, ընդ որում, նրանք ստիպված են շտապել, քանի որ իշխանությունները մտադիր չեն հետաձգել նախանշված ժամկետները: Այն տեմպերը, որով հայ վարորդները ձեռք են բերում ԱՊՊԱ պայմանագրերը, չի բավարարում օրենքի նախաձեռնողներին, քանի որ երկրում գրանցված ավտոմեքենաների միայն 10 տոկոսն է պայմանագիր կնքել: Ո՞րն է պատճառը:
Մշակույթ.

Բաքվի միֆերը «ալբանական խաչերի» մասին կամ ինչպես Ադրբեջանի մշակույթի նախարարը ստեց սեփական ժողովրդին

Հայկական խաչքարեր կարելի է հանդիպել աշխարհի ցանկացած անկյունում, որտեղ ապրում են հայեր, այդ թվում` ժամանակակից Ադրբեջանում

25 նոյեմբերի 2010
Ադրբեջանի մշակույթի նախարար Աբուլֆազ Գարաևը շարունակում է իր ղեկավարության լավագույն ավանդույթների համաձայն ադրբեջանական հասարակությանը մոլորեցնել այն առիթով, ինչ տեղի էր ունեցել Նայրոբիում ՅՈՒՆԵՍԿՕ-ի ոչ նյութական մշակութային ժառանգության պահպանության կոմիտեի 5-րդ նիստի ընթացքում:
ՏՏ ոլորտ.

Microsoft-ը պայքարում է Հայաստանում համակարգչահենության դեմ, իսկ Ռիչարդ Սթոլմանը համոզում է հայ օգտագործողներին անցում կատարել ազատ ԾԱ-ի

Հեռահաղորդակցությունների և ՏՏ ոլորտում նոյեմբերի 15-22-ի հիմնական իրադարձությունների ամփոփում

25 նոյեմբերի 2010
Հայաստանում ԾԱ ոլորտում համակարգչահենության մակարդակը 4 տարվա ընթացքում նվազել է 6 տոկոսով: Այդ մասին նոյեմբերի 17-ին մամլո ասուլիսում հաղորդել է Հայաստանում Microsoft ընկերության ներկայացուցչության տնօրենԳրիգոր Բարսեղյանը: Նրա խոսքերով, դրա շնորհիվ Հայաստանի պետական բյուջեն համալրվել է 5 մլն դոլարին համարժեք դրամով: Որպես համակարգչահենության դեմ պայքարի մի մաս` «Microsoft» ընկերությունն ամբողջ աշխարհում անցկացնում է ամենամյա «Սպառողների իրավունքների պաշտպանության օր», որն այս տարի անցնում է նոյեմբերի 17-ին: Այս շրջանակներում անցկացված բազում հարցումների արդյունքում պարզվել է, որ այսօր մարդիկ նախընտրում են օգտագործել օրինական արտադրանք: Ամբողջ աշխարհում հարցվածների 75 տոկոսն ավելի տեղեկացված լինելու կարիք ունի` կեղծված արտադրանքը տարբերակելու համար, քանզի հանրության մեծ մասն արդեն գիտակցում է, որ կեղծված արտադրանքն անապահով է: Հայաստանում անցկացված հարցման արդյունքները ցույց են տվել, որ այսօր հայ սպառողը դարձել է ավելի գիտակից և ավելի ակտիվ իր շահերը պաշտպանելու գործընթացում: Հարցվողների 65 տոկոսը կարծում է, որ պետք է գնել օրիգինալ ծրագրային ապահովում, անգամ եթե այն ավելի թանկ է: ՀՀ կառավարությունը տվյալ պահին Հայաստանում լիցենզավորված ԾԱ խոշորագույն սպառողներից է: Վերջին տվյալներով, Հայաստանի պետական կառույցներում համակարգիչների 30 տոկոսի վրա հաստատված են Microsoft-ի լիցենզավորված ապրանքներ:
Հասարակություն.

Ինքնասպանությունն ամենասարսափելի երևույթն է դեռահաս էմոների շրջանում

Ինքնասպանություններից բացի, դեռահաս էմոների շարքում ողջունելի է ոչ ավանդական սեռական կողմնորոշումը և բիսեքսուալիզմը

17 նոյեմբերի 2010
«Էմոների շարքում լայնորեն տարածված է դեպրեսիվ տրամադրությունը և դրա հետևանքով`ինքնասպանությունները»,- PanARMENIAN.Net-ի թղթակցի հետ զրույցում ասել է Երևանում այդ ոչ պաշտոնական շարժման ներկայացուցիչներից մեկը:
Քաղաքականություն.

Հայաստանի խորհրդարանական ընտրություններին դեռ մեկուկես տարի կա, իսկ քաղաքական կուսակցություններն արդեն նոր խորհրդարան են ձևավորում

Նոյեմբերի 7-12-ը տեղի ունեցած Հայաստանի հիմնական ներքաղաքական իրադարձությունների ամփոփում

13 նոյեմբերի 2010
«Օրինաց երկիր» կուսակցությունը բոլոր շանսերն ունի Հայաստանի խորհրդարան մտնելու համար, որտեղ նա զգալի դեր կխաղա: Այդ մասին Երևանում մամլո ասուլիսում հայտարարել է գյուղատնտեսության և բնապահպանության հարցերով մշտական խորհրդարանական հանձնաժողովի անդամ, «Օրինաց երկիր» խմբակցության անդամ Խաչիկ Հարությունյանը` մեկնաբանելով ՀՀ-ում խորհրդարանական ընտրությունների հնարավոր արդյունքները, որոնք տեղի են ունենալու 2012-ին: Նրա խոսքերով, խմբակցությունն ակտիվ պատրաստվում է խորհրդարանական ընտրություններին: Միաժամանակ Հարությունյանը նշել է, որ 2008-ի դեպքերը Հայաստանում նախագահական ընտրություններից հետո, մասնավորապես, այն, որ ընդդիմությունը ներկայացնող խմբակցությունը միացել է կոալիցիային, ազդել են նրա վարկանիշի վրա:
 
---