Օլիմպիական խաղերի խորհրդանշանները. Վենլոկն ու Մանդեվիլը բոլորին հրավիրում են ԼոնդոնՕլիմպիական խաղերի սիմվոլները հանրությանն են ներկայացվել 2010 թվականի մայիսի 19-ին Օլիմպիական խաղերը տպավորվում ու հիշվում են նաև իրենց բացման և փակման գեղեցիկ արարողություններով և սիմվոլներով: Բրիտանացիներն ամեն ինչ արել են, որ 2012 թվականի Օլիմպիական խաղերը անմոռանալի դառնան մարզիկների և երկրպագուների համար: Նրանք ստեղծել են հետաքրքիր թալիսմաններ, պատրաստել են Օլիմպիական խաղերի ամենամեծ մեդալներն ու յուրօրինակ խորհրդանիշը: 26 հունիսի 2012 PanARMENIAN.Net - Օլիմպիական խաղերի խորհրդանիշը. Օլիմպիական խաղերի խորհրդանիշը կազմված է 4 մասերից, որոնք նման են բազմանկյան և խորհրդանշում են Օլիմպիական խաղերի անցկացման տարեթիվը` «2», «0», «1», «2»: Մասերից մեկը ներառում է «London» բառը, իսկ մյուսը պատկերում է Օլիմպիական օղակները: Խաղերի խորհրդանիշը, որն արժեցել է 400 հազար ֆունտ ստերլինգ, մշակել է Wolff Olins ընկերությունը:
Խորհրդանիշի շնորհանդեսից հետո այն խիստ քննադատության է ենթարկվել: Քննադատներն այն նմանեցրել են չհավաքած փազլի և համարել են, որ ոչ մի ընդհանրություն չունի Լոնդոնի և Օլիմպիական գաղափարների հետ: Օլիմպիական խաղերի թալիսմանները. Օլիմպիական խաղերի սիմվոլները հանրությանն են ներկայացվել 2010 թվականի մայիսի 19-ին: Դրանք ջրի երկու կաթիլներ են Վենլոկ և Մանդեվիլ անուններով և կոչվել են Մաչ-Վենլոկ քաղաքի և Ստոք-Մանդեվիլ գյուղի պատվին, քանի որ այնտեղ են կայացել Օլիմպիական խաղերը հիշեցնող մրցումներ և Բրիտանիայի տարածքում առաջին Պարօլիմպիական խաղերը: XIX դարում Պիեռ դե Կուբերտենը ներկա է եղել Մաչ-Վենլոկի խաղերին և ոգեշնչվելով դրանցից` որոշել է վերականգնել Հին Հունաստանում անցկացվող Օլիմպիական խաղերի ավանդույթը: Մաչ-Վենլոկի խաղերը Մեծ Բրիտանիայում անցկացվում են ամեն տարի:
Վենլոկի արտաքինը բնութագրում է նրա Օլիմպիական բնավորությունը, գլխին պատկերված կրակը խորհրդանշում է լոնդոնյան սև տաքսիների հայտնի լույսերը, գլխի կառուցվածքը նման է Լոնդոնի Օլիմպիական ստադիոնի տանիքին, իսկ աչքը ֆոտոխցիկի օբյեկտիվ է, որն արտացոլում է իր շուրջը կատարվող ամեն ինչ: Մանդեվիլն էլ շատ կողմերով նման է Վենլոկին, պարզապես այն հանդիսանում է Պարօլիմպիական խաղերի թալիսմանը: Մանդեվիլը խորհրդանշում է շարժման մեջ գտնվող ոգի, որը երբեք չի բավարարվում ձեռքբերածով` միշտ փորձելով գերազանցել իր ռեկորդը: Նրա ոտքերին ամրացված վայրկյանաչափը ցույց է տալիս անցած ճանապարհը: Մանդեվիլը շատ է սիրում նոր փորձություններ հաղթահարել և Պարօլիմպիական խաղերին մասնակցող մարզիկներին համարում է գերմարդկային հնարավորություններով օժտված: Օլիմպիական խաղերի մեդալները. Օլիմպիական մեդալի տրամագիծը կազմում է 85 մմ, իսկ հաստությունը` 7 մմ է: Այն կշռում է 375-400 գրամ և Օլիմպիական խաղերի պատմության ընթացքում ամենածանրն է: 30 օլիմպիական կառույցներում նախատեսված 302 պարգևատրման արարողությունների համար պատրաստվել է 2100 մեդալ:
Մեդալի մի կողմում պատկերված է լինելու Օլիմպիական խաղերի խորհրդանշանը, իսկ մյուսում`հաղթանակի աստվածուհի Նիկան և Թեմզա գետը: Մեդալների համար անհրաժեշտ մետաղը Անգլիա է ներկրվել Մոնղոլիայից: Դրանց դիզայնով զբաղվել է Դեվիս Ուոտկինսը: Պարգևատրման արարողության ժամանակ մեդալները և ծաղկեփնջերը մատուցելու են տղամարդիկ: Սա նորություն է Օլիմպիադայի համար: Գոհար Նալբանդյան, Հասմիկ Բաբայան / PanARMENIAN News Ամենաընթերցվողը բաժնում Մասնագետը՝ առողջ ապրելակերպի մասին Ինչու են կանայք ընտրում ֆիթնես և բոդիբիլդինգ Լավագույն app-երը՝ առավել զգուշավորների այլընտրանք Ինչպես են մարզասրահները և մարզվողները «ֆորմի մեջ» մնում Բաժնի այլ նյութերը Easy ֆուտբոլ՝ մեծ էկրանին Դարձիր «12-րդ խաղացող» Անգլիական այգում, երկրպագիր մերոնց մաքուր օդին Ուղին անվանում է առաջնամագլցողը Հարմարավետության գոտուց դուրս, քաղաքային աղմուկից հեռու Բրազիլական ջիու-ջիցուն Հայաստանում Գետնի վրա մենամարտել իմացողն առավելություն ունի | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |