Օլիմպիական խաղերի մեկնարկին մնաց 5 օրԵվս 5 օր և ողջ աշխարհն ականատես կլինի 30-րդ ամառային Օլիմպիական խաղերի բացման արարողությանը: Իրադարձություն, որին սպասում են ոչ միայն մարզիկներն ու մարզաշխարհի ներկայացուցիչները, այլև երկրպագուներն ու սպորտի սիրահարները: PanARMENIAN.Net-ը փոքրիկ անդարադարձ է կատարել Օլիմպիական խաղերի պատմությանը: Հետաքրքիր է, որ ամառային Օլիմպիական խաղերի ամբողջ պատմության ընթացքում` սկսած 1896 թվականից, նվաճվել է 4503 ոսկե մեդալ: Երկրների հաշվարկով առաջին տեղում Ամերիկայի Միացյալ Նահանգներն է` 929 մեդալով, երկրորդ տեղում Գերմանիան է (400 մեդալ), իսկ երրորդում` Խորհրդային Միությունը (395 մեդալ): 23 հուլիսի 2012 PanARMENIAN.Net - Առաջին Օլիմպաիական խաղերին մասնակցել է 241 մարզիկ. Աթենքում 1896 թվականի ժամանակակից առաջին Օլիմպիական խաղերին մասնակցել են 241 մարզիկներ աշխարհի 14 երկրներից` խաղարկելով մեդալների 43 հավաքածու: Առաջին խաղերին ամենից շատ թվով մարզիկներ ներկայացրել են Հունաստանը, Գերմանիան, Ֆրանսիան և Անգլիան: Կանանց արգելվել է մասնակցել Օլիմպիադային, քանի որ «այն կդիտվեր որպես ոչ պրակտիկ, անհետաքրքիր և ոչ կոռեկտ»: Խաղերին հետևել է 80 հազար հանդիսական, այդ թվում նաև Հունաստանի թագավոր Գեորգ Առաջինը: Պեկինյան Օլիմպիադային հետևել է 3,6 միլիարդ մարդ. Այս պահի դրությամբ վերջին` 29-րդ ամառային խաղերին, որոնք տեղի ունեցան Պեկինում 2008 թվականին, մասնակցել է 204 երկրների 10942 մարզիկ, խաղարկվել է մեդալների 302 հավաքածու: Չինաստանի Օլիմպիական հավաքականը նվաճել է 51 ոսկե մեդալ և շրջանցել ԱՄՆ-ի հավաքականին: Չնայած սրան, ամերիկացիները մեդալների ընդհանուր հաշվարկով գրավել են առաջին տեղը: Պեկինի խաղերին հետևել են ռեկորդային թվով հանդիսականններ, նրանց թիվը կազմել է 3,6 միլիարդ: Այս խաղերում ամերիկացի լողորդ Մայքլ Ֆելփսը նվաճել է 8 ոսկե մեդալ` պատմության մեջ դառնալով առաջին մարզիկը, որը իր կարիերայի ընթացքում այդպիսի արդյունքի է հասել: Լոնդոնի Օլիմպիադան կլինի «էկոլոգիապես ամենամաքուրն ու կանաչը». Մեծ Բրիտանիայի մայրաքաղաքը միակն է, որն արդեն 3-րդ անգամ հյուրընկալում է Օլիմպիական խաղերը: Լոնդոնն Օլիմպիադա առաջին անգամ ընդունել է 1908 թվականին, երկրորդը` 1948-ին: 2012 թվականի լոնդոնյան խաղերին կմասնակցի 205 երկրի 15 հազար մարզիկ: Պարալիմպիական խաղերին ելույթ կունենան ավելի քան 4 հազար մարզիկներ, որոնք կներկայացնեն 147 երկիր: Ի դեպ, Լոնդոնն առաջին քաղաքն է, որը 1948 թվականին Օլիմպիական խաղերի հետ համատեղ որոշեց կազամկերպել նաև Պարալիմպիական խաղեր: Այս անգամ ևս բրիտանացիներն ամեն ինչ արել են, որպեսզի հաշմանդամություն ունեցող մարզիկներն իրենց հարմարավետ զգան: Խաղերի նախապատրաստական աշխատանքների ընթացքում Օլիմպիական այգում և ավանում տնկվել է ավելի քան 4000 ծառ: Առաջին ծառը 2009 թվականին տնկել է Մեծ Բրիտանիայի թագուհի Եղիզաբեթ 2-ը: Օլիմպիական կոմիտեն հատուկ ուշադրություն է դարձրել բնապահպանական կայունության խնդիրներին` ապահովելով կանաչապատում, խնայողություն, մաքրություն և բնության պահպանություն: Սպորտը կարող է միավորել աշխարհը և խաղաղություն հաստատել Դեռ շատ հին ժամանակներից, Օլիմպիական խաղերի ժամանակ բոլոր պատերազմները դադարեցվում էին: Այդ օրերին ողջ աշխարհը հարգում էր սպորտային այս միջոցառումը և վայելում խաղերը: Օլիմպիական զինադադարի խորհուրդը գալիս է հին հռոմեական ժամանակներից, երբ մարտնչող երկրների ներկայացուցիչները մեկնում էին Օլիմպիադա և վերադառնում խաղաղությամբ: 1990-ականներից ՄՕԿ-ը վերափոխեց Օլիմպիական զինադադարի մոտեցումը և հռչակեց այն որպես հավասարության և բազմազանության պաշտպանության նախաձեռնություն: Այն կրում է հետևյալ կարգախոսը. «Սպորտը կարող է միավորել աշխարհը և խաղաղություն հաստատել»: Հասմիկ Բաբայան, Գոհար Նալբանդյան / PanARMENIAN News Ամենաընթերցվողը բաժնում Մասնագետը՝ առողջ ապրելակերպի մասին Ինչու են կանայք ընտրում ֆիթնես և բոդիբիլդինգ Լավագույն app-երը՝ առավել զգուշավորների այլընտրանք Ինչպես են մարզասրահները և մարզվողները «ֆորմի մեջ» մնում Բաժնի այլ նյութերը Easy ֆուտբոլ՝ մեծ էկրանին Դարձիր «12-րդ խաղացող» Անգլիական այգում, երկրպագիր մերոնց մաքուր օդին Ուղին անվանում է առաջնամագլցողը Հարմարավետության գոտուց դուրս, քաղաքային աղմուկից հեռու Բրազիլական ջիու-ջիցուն Հայաստանում Գետնի վրա մենամարտել իմացողն առավելություն ունի | ՀՀ և Սաուդյան Արաբիայի ԱԳ նախարարներն ընդգծել են պարբերական ուղիղ չվերթերի կարևորությունը Միրզոյանը գործընկերոջ ուշադրությանն է ներկայացրել «Խաղաղության խաչմերուկ» ծրագիրը Փաշինյան․ Մեր մտածածն էն ա, որ ասեք՝ «վայ, ինչ լավ ա, որ 50 մետր էն կողմ Ադրբեջանն ա» Վարչապետը նաև վստահեցրել է, որ եթե այս քայլերը չարվեն, երաշխավորում է, որ մեր տարածաշրջանում նոր պայթյուն է լինելու Թյուրքագետը՝ ԼՂ–ից ռուս խաղաղապահների դուրս գալու մասին․ Սյունիքը հայտնվեց լիարժեք թուրքական աքցանի մեջ Նա նշել է, որ դրանով Սյունիքի ու Ադրբեջանի բանակի միջև վերանում է վերջին հնարավոր խոչընդոտը Տոյվո Կլաարն առաջադրվել է Ուզբեկստանում ԵՄ դեսպանի պաշտոնում Նրա թեկնածությունը Բորելի առաջադրումների ցուցակում է |