Հայաստանի սպառողական շուկայում մեկնարկել է գների նախատոնական մրցավազքը

Հայաստանի սպառողական շուկայում մեկնարկել է գների նախատոնական մրցավազքը

Հայաստանի Ազգային վիճակագրական ծառայության տվյալներով, 2012-ի նոյեմբերին հոկտեմբերի համեմատ Հայաստանում սպառողական ապրանքների գներն ավելացել են 2,6 տոկոսով:

Ամանորյա տոների նախաշեմին Հայաստանի սպառողական շուկայում արդեն մեկնարկել է գների մրցավազքը: Այս ընթացքում սննդամթերքի հիմնական տեսակների գները կարող են աճել 20 տոկոսով: Վերջին տարիներին Հայաստանում սովորական է դարձել, որ որքան տոները մոտենում են, այնքան սննդամթերքի գինն ավելանում է, և ընթացիկ տարին այդ առումով բացառություն չի լինի:

PanARMENIAN.Net - Որպես կանոն, հանրապետությունում գների թանկացումը սկսվում է դեկտեմբերի երկրորդ տասնօրյակից: Այսպես, դեկտեմբերի 10-ից հետո, հիմնական սննդամթերքի, այդ թվում` մսամթերքի, մրգերի, քաղցրեղենի գներն անկայուն են դառնում:

Հայաստանի Ազգային վիճակագրական ծառայության տվյալներով, 2012-ի նոյեմբերին հոկտեմբերի համեմատ Հայաստանում սպառողական ապրանքների գներն ավելացել են 2,6 տոկոսով:

Ավելին, նախատոնական խառնաշփոթում ավելանում է անորակ և ժամկետանց ապրանքների` մասնավորապես, կասկածելի ծագման հացաբուլկեղենի և կաթնամթերքի գնման հավանականությունը, քանի որ որոշ անբարեխիղճ արտադրողներ օգտվում են դրանից և առաջարկում անորակ արտադրանք:

Այնուամենայնիվ, ինչպես հավաստիացրել է Գյուղատնտեսության նախարարության անասնաբուծության և անասնաբուժության վարչության պետ Աշոտ Հովհաննիսյանը, մսամթերքի գնաճ ամանորյա տոների նախաշեմին չի լինի, բացառություն է կարող է կազմել խոզի բուդը` 8-10 տոկոս գնաճ: Սա Հայաստանում ամանորյա սեղանի ավանդական ճաշատեսակ է, սակայն գյուղնախարարության ներկայացուցիչն առաջրկել է փոխարինել այն ոչխարի մսով, որը նույնքան համեղ է և ավելի քիչ խոլեստերին է պարունակում:

Մսամթերքի շուկայում արտադրանքի գների կայունությունը Աշոտ Հովհաննիսյանը մեկնաբանել է մսամթերքի արտադրության բարձր ծավալներով: 2012թ Հայաստանում մսամթերքի արտադրության ծավալը 2011-ի համեմատ աճել է 3,8 տոկոսով` կազմելով 133 տոննա: Մասնավորապես, նրա խոսքով, 2012-ի հունվարի 1-ի դրությամբ, խոշոր եղջերավոր անասունների գլխաքանակը կազմել է 28 հազար, ոչխարներինը և այծերինը` 60 հազար, ինչը վերջին 30-40 տարիների համար աննախադեպ թիվ է կազմում: Դա հանգեցրել է վերջին 4-5 ամիսների ընթացքում մսամթերքի գների նվազմանը: Եթե ամռանը ոչխարի մսի արժեքը հասնում է 3500 դրամի, ապա այժմ այն կազմում է 2400-2500 դրամ, իսկ խոզի միսը նախկին 3500-ի փոխարեն արժե 300 դրամ:

Աշոտ Հովհաննիսյանը նաև խոստացել է, որ Հայաստանում նախատոնական շրջանում ձվի պակասություն չի լինի: Այդ շրջանում Հայաստանում կիրացվի 17 մլն ձու. արդեն պահեստավորվել է մոտ 6,5-7 մլն: Բացի այդ, ամեն տարի Հայաստանում արտադրվում է 1,5 մլն ձու, որոնցից 480 հազարը պահեստավորվում է նախատոնական շրջանում վաճառելու համար:

Հովհաննիսյանն ընդգծել է, որ այս շրջանում կարող են բարձրանալ կաթնամթերքի գները` կապված սեզոնայի գործոնի հետ: Գնաճը կարող է կազմել 4-5 տոկոս: Հաճախ հունվարին և դեկտեմբերին արտադրության ծավալները նվազում են մոտ 4 անգամ` 70 հազար տոննայից հասնելով մինչև 14-18 հազարի և այս շրջանում կաթը գնվում է ամենաբարձր գնով: Ինչ վերաբերում է կարագին, ապա գյուղատնտեսության նախարարության ներկայացուցիչն ընդգծել է, որ Հայաստանը հիմնականում ներկրում է այս սննդամթերքը, իսկ դրա գնաճը կապված է ներկրվող շուկաներում գների բարձրացման հետ:

Այսպիսով, քաղաքացիներն օրեցօր ականատես են լինում, սննդամթերքի գնաճին` միաժամանակ ապահովելով դրանց բարձր պահանջարկը: Դրանից օգտվում են տնտեսվարող սուբյեկտները, ովքեր ցանկանում են գերշահույթ ստանալ` իմանալով հայերի մենթալիտետը. ամանորյա սեղանը պետք է լինի հյուրասիրություններով լի: Գուցե ժամանակն է զսպել ախորժակը և չզարմացնել հարևաններին ուտեսներով, որոնք հաճախ պատրաստվում են պարտքի դիմաց:

Վիկտորիա Արարատյան / PanARMENIAN News
 Ամենաընթերցվողը բաժնում
Ինչու է աշխարհն անցնում անկանխիկ շրջանառության
Նիդերլանդների գյուղատնտեսական հեղափոխությունը
Ինչպես է մեր ախորժակը վտանգում ամբողջ մոլորակը
Էկոլոգիական ինչ գին ենք վճարում ամենամատչելի հագուստի համար
 Ուշադրության կենտրոնում
ՊՎԾ–ն ուսումնասիրություններ է սկսել Քաղաքաշինության կոմիտեում

ՊՎԾ–ն ուսումնասիրություններ է սկսել Քաղաքաշինության կոմիտեում Ուսումնասիրությունները մեկնարկել են Փաշինյանի հանձնարարությամբ

 Բաժնի այլ նյութերը
ԱԹՍ-ով ջրված այգու բերքը Ինչ առավելություններ ունի խելացի գյուղատնտեսությունը
Դատարկ փեղկերի առասպելը Ինչու են մարդիկ խուճապային գնումներ կատարում ցնցումների ժամանակ
Զսպելով բարկությունն ու գնաճը Պատերազմն ու մեր դատարկվող գրպանը
---