Ընկերները միմյանց նման են ոչ միայն հետաքրքրություններով, այլև գեներով

Ընկերները միմյանց նման են ոչ միայն հետաքրքրություններով, այլև գեներով

Պարզվում է՝ ընկերները կենսաբանորեն մոտ են, օրինակ, ինչպես հինգերորդ սերնդի ազգականները, այսինքն զույգի նախանախանախաթոռները` ընդհանուր գեների մոտ 1%-ի մակարդակով

Ընկերների նման հետաքրքրություններն ու այլ առանձնահատկությունները այժմ բացատրում են ոչ միայն հոգեբանությունը, այլ նաև գենետիկան: Proceedings of the National Academy of Sciences ամսագրում ներկայացված է Նիկոլաս Քրիստակիսի և Ջեյմս Ֆաուլերի հետազոտությունը, որտեղ ասվում է ընկերների գենետիկ նմանության մասին:

PanARMENIAN.Net - Հետազոտության արդյունքում հետազոտվել է 2000 մարդու ԴՆԹ, որոնք արյունակցական կապեր չունեն: Ընտրությանը չեն մասնակցել ընկերների ընկերները, որոնք միաժամանակ հեռավոր ազգականներ են` ընտրվել են միայն ընկերները, որոնք կենսաբանորեն օտար են:

ԴՆԹ-ում համեմատվել է մոտ 1,5 մլն մարկեր, որոնք մատնանշում են գենետիկ տարբերակները: Պարզվել է, որ ընկերները, միջին հաշվով, կենսաբանորեն մոտ են, օրինակ, ինչպես հինգերորդ սերնդի ազգականները, այսինքն զույգի նախանախանախաթոռները` ընդհանուր գեների մոտ 1 տոկոսի մակարդակով: Այդ տիպի գեներն ավելի շատ են հոտառության (ընկերների հոտառությունը նույնատիպ է) և իմունային համակարգի hետ կապված խմբերում: Երկրորդ դեպքում նրանք, հակառակը, ավելի են տարբերվում, քան միջին հաշվով պոպուլյացիայի սահմանում` այսինքն ընկերների գենոտիպերը պաշտպանում են նրանց տարբեր հիվանդություններից: Նման երևույթի էվոլյուցիոն առավելություններն ակնհայտ են` փոքր համայնքն ավելի հեշտ կդիմադրի համաճարակներին, եթե նրա անդամները նույն դիմադրողականությունն ունեն:

Ըստ հետազոտողների, ընկերների նմանատիպ գեները մյուսներից ավելի արագ են զարգանում`հնարավոր է, որոշ չափով դրանով է բացատրվում մարդկության պատմության արագացումը վերջին 30 հազար տարում, երբ սոցիալական միջավայրը (և ընկերական կապերը որպես դրա բաղադրիչներից մեկը) դարձավ էվոլյուցիայի շարժիչ ուժերից մեկը:

PanARMENIAN.Net / Tsets
 Ամենաընթերցվողը բաժնում
Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը
Իրադարձություններ, որոնք զարգացել են 1 ամսից էլ քիչ ժամանակում
 Ուշադրության կենտրոնում
Բաքուն հայտնել է զոհերի թիվը՝ 192, ընդդիմադիրները պնդում են 200–ից ավելի զոհի մասին

Բաքուն հայտնել է զոհերի թիվը՝ 192, ընդդիմադիրները պնդում են 200–ից ավելի զոհի մասին Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական

 Բաժնի այլ նյութերը
Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը
Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին
---