Ռեզյումե կազմելու արվեստը. Ինչի՞ վրա է պետք ուշադրություն դարձնելԽորհուրդներն իդեալական չեն, բայց կօգնեն խուսափել հիմնական սխալներից և, գուցե, կավելացնեն ցանկալի աշխատանք գտնելու շանսերը Մինչև վերջերս ռեզյումեն հասարակ հարցաթերթիկ էր, որին հատուկ պահանջներ չէին ներկայացվում: Այժմ աշխատանքային և անձնային որակները պոտենցիալ գործատուին ներկայացնելը իսկական արվեստ է դարձել: Առանց գրագետ կազմված ռեզյումեի լավ աշխատանք գտնելու հավանականությունը նվազագույնի է հասնում: Ռեզյումեի օգնությամբ դուք կարող եք ուղղորդել այն, թե ինչպես ձեզ կընկալի գործատուն: Մինչ հարցազրույցի հրավիրվելը դուք ձեր ռեզյումեն եք: 19 հունվարի 2016 PanARMENIAN.Net - Ունիվերսալ ռեզյումեներ բոլոր մասնագիտությունների համար չկան: Յուրաքանչյուր մասնագիտության համար հարկավոր է համապատասխան ռեզյումե կազմել: Ռեզյումեի յուրաքանչյուր տեսակի խնդիրն է ցույց տալ այն, ինչ հատկապես կարևոր է տվյալ մասնագիտության համար: Աշխատանքի տեղավորման մրցակցային մրցավազքում լավ ռեզյումեն յուրօրինակ «արժույթ է», որի փոխարժեքը կախված է որպես պրոֆեսիոնալի ձեր արժեքից: Ըստ մասնագետների ռեզյումեն ոչ միայն առանձին բաժինների հավելված է աշխատանքի, կրթության ու վարժանքների մասին: Իդեալական ռեզյումեն կազմված է որպես հաջողության պատմություն: Այսինքն, երբ հասկանալի է, թե ինչպես են փոխկապակցված կրթությունը, կարիերայի աճը, բոլոր թրենինգներն ու հավաստագրերը, հայցորդի անձնային որակներն ու թափուր պաշտոնը: Եթե բոլոր այդ տարրերի միջև տրամաբանական կապը բացակայում է, գործատուն ուշադրություն չի դարձնի այդպիսի ռեզյումեին: 2 էջից երկար ռեզյումեն ոչ մասնագիտական է համարվում: Ոչ ոք չի սիրում կարդալ երկար ու խճճված ռեզյումեներ: Կա մի չգրված կանոն` ռեզյումեի 1 էջը բավարար է 10 տարվա փորձը ներկայացնելու համար: Ինչի՞ն են ուշադրություն դարձնում ռեզյումեն ընթերցելիս. - Վերջին պաշտոնին. Առաջին հերթին անձնակազմը հավաքագրող մենեջերը ուշադրություն է դարձնում զբաղեցրած վերջին պաշտոնին: Արդյո՞ք հայցորդն ազատվել է իր ցանկությամբ թե նրան ազատել են աշխատանքից: Որքա՞ն է նա աշխատել և ի՞նչ խնդիրներ կատարել: Շատ կարևոր է ստանալ այս հարցերի պատասխանները: - Ընկերության ճանաչված լինելուն: Շատ ավելի հեշտ է հասկանալ, թե որքան պրոֆեսիոնալ է մարդը, ելնելով նախորդ ընկերության անվանումից, որտեղ նա աշխատել է: Եթե որպես նախորդ աշխատավայր նշված է հայտնի ընկերություն, դա մեծ առավելություն է: - Ընդհանուր փորձին. Եղել է կարիերայի աճ: Բարդացել են դրված խնդիրները: Համապատասխանո՞ւմ է արդյոք նշված պաշտոնը կատարված աշխատանքին: - Ընդմիջումներին: Մի քանի ամսվա ընդմիջումներն անհանգստանալու առիթ չեն տալիս: Սակայն եթե գործազրկության շրջանները 6 ամսից ավելի են տևում, ապա հարկ կլինի ներկայացնել պատճառները: Կրեատիվ մտածողությունը միացրեք և այդ բացերը լրացրեք տեղեկատվությամբ, թե ինչով եք զբաղվել: Հնարավոր է, դա տան հետ կապված աշխատանք է եղել, ընտանեկան հանգամանքներ կամ ինքնազարգացում: Գործատուին պետք է հասկցնել, որ դուք ձեռքերը ծալած չեք նստել: - Ներկայությանը համացանցում: Սոցցանցերը` Twitter, Facebook, Linkedin, շատ ավելին կարող են ասել ձեր մասին, քան ռեզյումեն: Ուստի, եթե ցանկանում եք աշխատանք գտնել, հոգ տարեք, որ ձեր պրոֆիլը սոցցանցերում ճիշտ ընկալվի: - Ռեզյումեի ձևակերպմանը: Սխալներ, երկարություն, հստակություն և պարզություն: Ինչի՞ն ուշադրություն չեն դարձնում - կրթությանը` փորձն ամենից առավել է - ոճային ձևակերպմանը - անձնական տեղեկություններին` ընտանիք, երեխաների առկայություն, հիվանդություններ, լուսանկարներ: Ինչի՞ց պետք է հրաժարվել - Ռեզյումեների համար MS, Word շաբլոններից: Նախկինում Microsoft Word-ն առաջարկում էր Times New Roman տառատեսակը: Սակայն նորաձևությունը փոխվել է, առավել ընդունելի են դարձել այլ տառատեսակները` Calibri և Arial-ը: Times New Roman տառատեսակով ներկայացված ռեզյումեն հին ձևաչափ է համարվում: Ընդունելի է նաև PDF ձևաչափը: - Ռեզյումեն առաջին դեմքով գրելուց - Կեղծ տեղեկությունենր ներկայացնելուց: Այս խորհուրդներն իդեալական չեն, սակայն կօգնեն խուսափել հիմնական սխալներից և, գուցե, ավելացնեն ցանկալի աշխատանք գտնելու շանսերը: PanARMENIAN.Net / Tsets Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |