Հաշվելով փողերըPAN-ի 2016-ի ամենակարևոր տնտեսական հոդվածները Գարեջրագործների ձախողումներից մինչև ծխախոտագործների հաջողություններ, նոր հարկային օրենսգրքի խնդիրներից մինչև ՏՏ-ոլորտի ու սուպերմարկետների հարկերի համեմատություն: Ներկայացնում ենք 2016 թվականի ընթացքում PAN-ի հրապարակած ամենակարևոր տնտեսական հոդվածները: 29 դեկտեմբերի 2016 PanARMENIAN.Net - Նավթի գնանկման պայմաններում թանկ բենզինի թեման հայ սպառողների մշտական դժգոհության պատճառ է դարձել: Հատկապես հաճախ են բենզինի գները համեմատվում հարևան Վրաստանի հետ, որտեղ այն գրեթե մեկ քառորդով էժան է, քան Հայաստանում:
PAN-ը որոշել է պարզել, թե ինչով է պայմանավորված բենզինի գինն այս կամ այն երկրում և որքան է բիզնեսի ու պետության մասնաբաժինը: ՊԵԿ-ն ամեն տարի հրապարակում է 1000 խոշոր հարկատուների ցանկը` դասավորելով դրանց հերթականությունն ըստ մուծած հարկերի ծավալի: Ցանկը, սակայն, մի առանձնահատկություն ունի. ընկերությունների մուծումների զգալի մաս են անուղղակի հարկերը` ԱԱՀ-ն ու ակցիզը, մաքսատուրքը, տարատեսակ այլ տուրքեր:
Դրանք, վերջին հաշվով, իրականում վճարում է գնորդը, քանի որ դրանք ներառվում են ապրանքի վերջնական գնի մեջ: PAN-ը պարզել է՝ որքան ուղղակի հարկեր են մուծում ՏՏ-ոլորտի ու մանրածախ առևտրի խոշոր ընկերությունները: Վերջին տարիներին բնակարանների գները Երևանում ոչ միայն չեն էժանանում, այլև աճում են` ցածր պահանջարկի ֆոնին:
PAN-ը ուսումնասիրել է անշարժ գույքի շուկայի գներն ու պարզել, որ Կենտրոնում և Արաբկիրում որոշ բնակարանների գնով կարելի է անշարժ գույք գնել եվրոպական որոշ երկրներում: Հայկական ծխախոտագործների լրջագույն հաջողությունները դարձրեցին Իրաքը ՀՀ-ից արտահանման կարևորագույն ուղղություններից մեկը:
PAN-ը պատմում է, ինչպես հայազգի գործարարները 5 տարում «գրավեցին» Իրաքյան Քրդստանի շուկան: ԵՏՄ մտնելուց հետո հայ գարեջրագործները կորցնում են թե ներքին շուկան, որը գրավում են ՌԴ ու Ուկրաինայի արտադրողները, թե արտաքինը:
PAN-ը պատմում է գարեջրագործների անհաջողությունների պատճառների մասին: Հայաստանում տնտեսական դժվարությունների ֆոնին ընկնում է մանրածախ առևտրի շրջանառությունը, սակայն բջջայինների ու այլ տեխնիկայի վաճառքի ծավալներն աճում են:
PAN-ն ուսումնասիրել է՝ ինչպես են Հայաստանում տնտեսում սննդի վրա՝ փոխարենը հեռախոսներ գնելու համար: Կառավարության փոփոխության ու հայտարարված ծախսերի կրճատման մասին հայտարարությունների ֆոնին կրկին հաճախ սկսեցին խոսել պետական ապարատի, այս կամ այն ծառայության ուռճացված լինելու մասին:
Այս համատեքստում PAN-ը որոշել է համեմատել, թե որքան հարկային ու մաքսային տեսուչ կա Հայաստանում և Վրաստանում և որքան աշխատանք են նրանք կատարում: Հարկային նոր օրենսգիրքը քննադատում են բիզնեսի, հասարակության, ինչպես նաև ընդդիմության ներկայացուցիչներ:
Դրա հիմնական թիրախներից մեկը եկամտահարկի նոր դրույքաչափերն են: PAN-ը համեմատել է՝ որքան հարկ են մուծելու ՀՀ քաղաքացիները, և որքան են մուծում եվրոպական ու հետխորհրդային մի շարք երկրներում:
Երկար քննարկումներից հետո արևային էներգետիկայի վերաբերյալ ՀՀ-ում վերջապես մի շարք կարևոր որոշումներ ու օրենքներ ընդունվեցին, որոնք թույլ կտան սովորական քաղաքացուն վաճառել իր արտադրած էներգիան: PAN-ը պատմում է՝ ինչ կտա նոր օրենքը սպառողին: Ամենաընթերցվողը բաժնում Ինչու է աշխարհն անցնում անկանխիկ շրջանառության Նիդերլանդների գյուղատնտեսական հեղափոխությունը Ինչպես է մեր ախորժակը վտանգում ամբողջ մոլորակը Էկոլոգիական ինչ գին ենք վճարում ամենամատչելի հագուստի համար Բաժնի այլ նյութերը ԱԹՍ-ով ջրված այգու բերքը Ինչ առավելություններ ունի խելացի գյուղատնտեսությունը Դատարկ փեղկերի առասպելը Ինչու են մարդիկ խուճապային գնումներ կատարում ցնցումների ժամանակ Զսպելով բարկությունն ու գնաճը Պատերազմն ու մեր դատարկվող գրպանը | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |