Մորուք, օրգաններ ու ձմերուկի կլեպ

Մորուք, օրգաններ ու ձմերուկի կլեպ

Ինչ տարօրինակ ապրանք է արտահանում Հայաստանը

Հայկական ArmEc Trading ընկերությունն էկվադորյան բանան է արտահանում Ղազախստան:

PanARMENIAN.Net - Այդ մասին ընկերության տնօրեն Վարդան Հարությունյանը հայտնել է EADaily լրատվամիջոցին: PAN-ին հետաքրքրեց՝ էլ ինչ անսպասելի ու տարօրինակ ապրանքներ են արտահանվում Հայաստանից:

Մաքսային ծառայության հրապարակվող տեղեկանքներում մանրամասն նկարագրվում է, ապրանքային ինչ ենթախմբից որքան ապրանք է արտահանվում ՀՀ-ից ու որտեղ: Օրինակ, 2015-ին ՀՀ-ից, որը երբեք բրնձագործության կենտրոն չի եղել, արտահանվել կամ, հավանաբար, վերաարտահանվել է 120 կգ բրինձ: 2016-ին արտահանել կամ, կրկին, վերաարտահանել ենք 36 կգ կակաո-փոշի: Նույն տարում Հայաստանը մրգերի՝ ձմերուկի, սեխի ու ցիտրուսայինների կլեպի փոքր խմբաքանակ է արտահանել:

2016-ին ՀՀ-ից է արտահանվել չնչին քանակի՝ մոտ $100-ի, «գեղձ և այլ օրգան՝ օրգանաբուժության համար» խմբի ապրանք: Դրանք արտահանվել են Բելգիա ու Ավստրիա: Միաժամանակ արտահանվել է 18.2 տոննա արյուն, հակաշիճուկ ու աճեցված մանրէներ՝ $5.8 մլն մաքսային արժեքով:

Տարօրինակ ապրանքներ է ՀՀ-ն արտահանում նաև Վրաստան: 2016-ին այնտեղ էինք արտահանել կամ վերաարտահանել $6.1 մլն-ի 24.7 մլն խորանարդ մետր գազ (գործարքի մասին նախկինում պատմել ենք): Դրանից 1 տարի առաջ՝ 2015-ին, Վրաստան է արտահանվել 6 հատ մակույկ:

ԵՏՄ-ին միանալուց հետո ՀՀ-ից սկսեցին նաև մարդատար մեքենաներ վերաարտահանվել: 2015-ին դրանց թիվը 120 էր, 2016-ին վերաարտահանման ծավալը կազմել է արդեն 1800 մարդատար ավտոմեքենա: Նույն տարում ՀՀ-ն արտահանել է նաև $16 մլն-ի ժամացույցի կորպուսներ, 986 կգ մկրատ, ու 374 կմ «կայծակ» ճարմանդ, նույն ինքը՝ ժողովրդի լեզվով ասած «զմեյկա» տիպի շղթա: Իսկ 2015-ին ՀՀ-ն 3.5 կգ դնովի մորուք, թարթիչներ ու նմանատիպ պարագաներ է արտահանել:

Կարդացեք նաև. Հայաստանը՝ զավեշտալի, զայրացնող, տխրեցնող ու զվարճացնող թվերով

Երկրներ ու ապրանքներ, որոնք ձևավորել են ՀՀ արտահանումը 2016-ին

ՀՀ-ն զենք է արտահանել Կոնգո

 Ամենաընթերցվողը բաժնում
Porsche Cayenne Coupé-ի թեստ-դրայվը՝ Հայաստանում
Հոգեբանը՝ «կորոնաճգնաժամը» հաղթահարելու մասին
Ինչ վիճակում է երկրի աշխատաշուկան՝ Covid-19-ի շրջանում
Ինչպես տարբերել սահմանից հաղորդվող կեղծ լուրը՝ իրականից
 Ուշադրության կենտրոնում
Վարչապետի որդին կամավորագրվել է

Վարչապետի որդին կամավորագրվել է Վարչապետ Նիկոլ Փաշինյանը կոչով դիմել է վերջին մեկ տարվա ընթացքում զորացրված հայ երիտասարդներին

 Բաժնի այլ նյութերը
Գնիր ավտոս՝ օգնիր Արցախին Ինչպես են մարդիկ վաճառում մեքենաները՝ հանգանակության համար
Արտոնյալ հիփոթեքի մութ խութերը Ինչպես զինծառայողը տուն չգնեց բանկի՝ պայման փոխելու պատճառով