Նեղ օրվա համարՏնտեսական պատերազմում ՌԴ-ն կիրառում է զինանոցի բոլոր զենքերը Արևմուտքի հայտարարած տնտեսական պատերազմին Ռուսաստանը փորձում է դիմակայել զինանոցում պահված տնտեսական բոլոր գործիքներով: Նույնիսկ արևմտյան մամուլն է ընդունում, որ 2014-ի պատերազմից հետո Ռուսաստանն իր տնտեսությունը հետևողականորեն պատրաստել է հենց այս պահի համար: Դրա համար էլ այսօր ողնաշարը կորացել է, բայց չի կոտրվել: 14 մարտի 2022 PanARMENIAN.Net - Ռուսաստանի կառավարությունը պատժամիջոցներին դիմակայելու մի քանի ուղղություն է ընտրել: Կորցրածի այլընտրանքը գտնելն ու ունենալն այս պահին Ռուսաստանի տնտեսությունը պահող հիմնաքարերից է: Պատասխան պատժամիջոցների փաթեթները ևս մշակման փուլում են: Նախ՝ միջազգային վճարային համակարգերի մասին: Մարտի 6-ից Ռուսաստանում իրենց գործունեությունն են դադարեցրել Visa և Mastercard վճարային համակարգերը: Սա նշանակում է, որ ռուսական բանկերի թողարկած Visa և Mastercard քարտերը կշարունակեն գործել Ռուսաստանի տարածքում, բայց չեն աշխատի արտասահմանում: Այստեղ Ռուսաստանը երկու այլընտրանք ունի: Դրանցից առաջինը ռուսական «Мир» վճարային համակարգի քարտերն են: Լուծման այս տարբերակի ամենամեծ խնդիրն այն է, որ «Мир» քարտերն ընդունում են շուրջ մեկ տասնյակ երկրներ, այդ թվում՝ Հայաստանը: Ի դեպ, Ուկրաինայի կենտրոնական բանկը դիմել է Հայաստանի կենտրոնական բանկին՝ խնդրելով կասեցնել «Мир» քարտերի հետ կապված բոլոր գործողությունները: Երկրորդ այլընտրանքը չինական UnionPay ազգային վճարային համակարգն է, որը հասանելի է աշխարհի 180 երկրներում: Խոսելով Չինաստանից կարևոր է ընդգծել, որ այս փուլում Ռուսաստանի տնտեսությունը շահում է նաև Չինաստանի որդեգրած քաղաքականության շնորհիվ: Չինացիները չեն միանում արևմուտքի պատժամիջոցներին, ասում են, որ պատժամիջոցները համաշխարհային տնտեսության համար միայն գլխացավանք կդառնան, հետևաբար նաև օգնում են Ռուսաստանին շրջանցել որոշ խնդիրներ: Մեկ այլ կարևոր հանգամանք ևս: Չինաստանը շարունակում է Ռուսաստանի հետ նավթի և գազի բնականոն առևտուրը: Բացի սրանից, չինական ընկերությունները կարող են այլընտրանք առաջարկել Ռուսաստանից հեռացող բոլոր բրենդների համար՝ մեքենաներից մինչև հագուստ ու տեխնիկա: Վերադառնալով ֆինանսական սեկտորին: Պատժամիջոցների մեկ այլ փաթեթով ռուսական որոշ բանկերի անջատեցին ֆինանսական հաղորդագրությունների փոխանակման SWIFT համակարգից: Սրա լուծման մասին Ռուսաստանը մտածել էր դեռ 2014-ի պատերազմից հետո և ստեղծել սեփական՝ «ռուսական SWIFT»-ը: Խնդրահարույց է միայն այն փաստը, որ համակարգից կարող են օգտվել ԱՊՀ երկրները, միջազգային մյուս գործընկերների հետ հաղորդակցման այլ ճանապարհներ են մշակվում: Որոշումներ են կայացվում նաև պարենային անվտանգությունը ապահովելու և ներքին շուկան կայունացնելու համար: Հրամանագրերից մեկով սահմանափակումներ են մտնում Ռուսաստանից ապրանքատեսակների և հումքի արտահանման ու ներմուծման վրա: Ռուսաստանից որոշ ապրանքատեսակների արտահանումը թույլատրվում է միայն ԵԱՏՄ երկրների տարածքում: Մինչև օգոստոսի 31-ը ցորենի և շաքարի արտահանումը կասեցվել է նույնիսկ ԵԱՏՄ երկրների համար: Երկրում ֆինանսական կայունությունն ապահովելու համար Վլադիմիր Պուտինի հրամանով արգելվել է նաև երկրից դուրս բերել 10 հազար դոլարից ավելի գումար: Ինչ վերաբերում է ռուսական շուկայից հեռացող ընկերություններին՝ դրանց համար սահմանվել է արտաքին կառավարում: Պարզ ասած, եթե արտասահմանյան ընկերությունը անհիմն կերպով որոշում է փակել ընկերությունը կամ հեռանալ երկրից, ապա կառավարությունն առաջարկում է սահմանել արտաքին կառավարում և ընկերությունները հանձնել նրանց, ովքեր պատրաստ են շարունակել աշխատանքը: Ռուսաստանի կառավարության պնդմամբ այստեղ առանցքային հարցն աշխատատեղերի պահպանումը և ոլորտային գործունեության շարունակումն է: Իշխող կուսակցությունը սա համարում է Ռուսաստանից հեռացող օտարերկրյա ձեռնարկությունների գույքի պետականացմանն ուղղված առաջին քայլ: Սրան զուգահեռ Ռուսաստանը պնդում է, որ շարունակելու է մնալ «էներգետիկ անվտանգության հուսալի երաշխավոր»: Պաշտոնական Կրեմլի ձևակերպմամբ, սրա ապացույցն այն է, որ Ռուսաստանը շարունակում է էներգակիրներ մատակարարել այն երկրներին, որոնք Ռուսաստանի դեմ պատժամիջոցներ են սահմանում և տնտեսական պատերազմ հայտարարում: Չնայած այս հայտարարություններին, Ռուսաստանում արդեն կազմել են ոչ բարեկամական գործողություններ իրականացնող երկրների ցանկը և պատրաստում են պատժամիջոցների իրենց փաթեթները: Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | Մխիթարյանն 1-ին անգամ իր կարիերայում դարձել է թոփ 5 լիգաները ներկայացնող առաջնության չեմպիոն Նա հանդես է եկել նաև «Ռոմայում», «Արսենալում», «Մանչեսթեր Յունայթեդում», «Բորուսիա Դորտմունդում» Փաշինյան․ ՀՀ–ն չի պատրաստվում պատերազմել ԼՂ համար Նա նշել է, որ ՀՀ կառավարությունը պատրաստ է քայլեր ձեռնարկել, որ ադրբեջանական 4 գյուղում մարդկանց կյանքը հնարավոր դառնա Կիրակոսյանը՝ Հաագայի դատարանում. ԼՂ բազմաթիվ գյուղեր ու քաղաքներ պարզապես անհետացան Նա նաև փաստարկներ է ներկայացրել, թե ինչու ՀՀ-ն չի կարող մեղադրվել Ադրբեջանի դեմ ռասայական խտրականության մեջ Պուտինը՝ Ալիևին․ Անվտանգային հարցերը տարածաշրջանում շատ զգայուն են «Հարցերն այստեղ շատ են և շատ զգայուն»,–ասել է նա |