Ինչ է արժենում իքիբիրն անտառներին

Ինչ է արժենում իքիբիրն անտառներին

Ինչպես է մեր ախորժակը վտանգում ամբողջ մոլորակը

Ընդամենը մեկ համբուրգեր պատրաստելու համար ծախսվում է ճիշտ այնքան հանածո վառելիք, որքան անհրաժեշտ է փոքր մեքենային՝ 32 կմ անցնելու համար: Խոզերի ֆաբրիկան արտադրում է նույն քանակությամբ թափոն, որքան 12,000 բնակչությամբ քաղաքը:

PanARMENIAN.Net - Կլիմայի փոոփոխությունից մինչև անտառային հրդեհներ. մսամթերքի արտադրությունը ծանր հետևանքներ է թողնում համաշխարհային էկոհամակարգերի վրա: Սա բուսակերության քարոզ չէ, բայց գիտնականներն արդեն վաղուց զգուշացնում են մսամթերքի գերարտադրության և գերսպառման վտանգների մասին:

Սկսենք անտառհատումներից: Մսամթերքի արդյունաբերությունը հսկայական հողատարածքներ է պահանջում և շատ հաճախ այս տարածքները անտառների ոչնչացման կամ հրդեհների հաշվին են լինում: Անտառհատումն առաջին հերթին նշանակում է միլիարդավոր տոննա ածխաթթու գազի արտանետում մթնոլորտ, որն էլ իր հերթին արագացնում է գլոբալ տաքացքումը:

Ծառ կտրել նշանակում է նվազեցնել մթնոլորտից ածխածնի կլանումը, հետևաբար նպաստել կլիմայի փոփոխությանը: Կա նաև վարկած, որ ֆերմերները հատուկ են այրում անտառները: Այս խոսակցությունները հատկապես ակտիվացան Ամազոնի արևադարձային անտառներում հրդեհների ֆոնին: Այս ամենի մեկ այլ, քիչ քննարկված հետևանք էլ վայրի բնության ոչնչացումն է: Անտառները ոչնչացնելով վտանգվում է կենսաբազմազանությունը: Հազարավոր տեսակների անհետացումն ու ոչնչացումն իր ուղիղ հետևանքներն է թողնում էկոհամակարգերի վրա:

Շատերս շրջակա միջավայրի աղտոտումը թեկուզ չնչին նվազեցնելու համար որոշում ենք ավտոբուսի փոխարեն ոտքով գնալ աշխատանքի, կամ էլ նվազագույնի ենք հասցնում պլաստիկի օգտագործումը: Գիտնականների խոսքով, եթե իսկապես ուզում ենք լուրջ և համապարփակ փոփոխության հասնել, պետք է նվազեցնենք մսամթերքի սպառումը: Դեռ 2019-ին նախազգուշացնում էին, որ կլիմայի փոփոխությունը կանխելու համար եվրոպական երկրներում տավարի մսի սպառումը պետք է նվազի 90 տոկոսով: ՄԱԿ-ի տվյալներով՝ ջերմոցային գազերի համաշխարհային արտանետումների մոտավորապես 14.5%-ի պատասխանատուն մսամթերքիի և կաթնամթերքի արդյունաբերությունն է: Իսկ միայն սննդամթերքի արտադրության հետևանքով արտանետված ջերմոցային գազերի մոտ60 տոկոսն է մսի արդյունաբերությունից:

Գիտնականները պնդում են, որ շրջակա միջավայրի վրա թանկ է նստում մսամթերքի արդյունաբերության ամբողջ շղթան՝ իր բոլոր փուլերով: Օրինակ՝ անասուններին սնունդով ապահովելու հարցը: Էկոհամակարգերի համար վտանգավոր է թունաքիմիկատների մեծածավալ կիրառումը, որոնք բացի վնասատուներից վնասում են նաև շրջակա միջավայրը: Կայուն զարգացման մասին խոսելիս մսամթերքի արտադրության ուղղությամբ դեռ շատ աշխատանք կա տանելու: Մոլորակի բնակելի հողերի մոտ կեսն օգտագործվում է գյուղատնտեսության համար: Այդ տարածքների 77 տոկոսում էլ արածում են խոշոր եղջերավոր անասունները: Չնայած գյուղատնտեսական հողերի 77%-ի օգտագործմանը, համաշխարհային կալորիականության սպառման միայն 17%-ն է ստացվում կենդանիներից:

Վերադառնալով ջրային ռեսուրսների սպառմանը: Կես կիլոգրամ մսամթերք ստանալու համար կովերը 7 կգ բուսականություն և 10,000 լիտրից ավելի ջուր են սպառում: Հետազոտությունը ցույց է տալիս, որ մսի արտադրությունը տարեկան պահանջում է գրեթե 2300 տրիլիոն տոննա ջուր: Դա վայրկյանում 72 մլն լիտր է կազմում: Ընդամենը 35 ժամվա ընթացքում մսի արտադրության համար օգտագործվող ջրի քանակը կարող է մեկ տարվա ընթացքում խմելու ջուր ապահովել մոլորակի բոլոր բնակիչների համար:

Առաջարկվող լուծումներից մեկի մասին արդեն խոսել ենք: Գիտնականներն արհեստական միս են «աճեցնում» լաբորատորիաներում և պնդում, որ լաբորատոր պայմաններում ստեղծված միսը 20 տոկոսով կնվազեցնի անասնաբուծության հետևանքով մեթանի արտանետումների ծավալը: Թեև լաբորատոր պայմաններում ստեղծված արհեստական միսն ավելի քիչ էներգիա է ծախսում, քիչ ջերմոցային գազեր արտանետում և քիչ հողատարածք է պահանջում, հետազոտողների մի խումբ իրենց արձագանքներում զգուշավոր են: Պնդում են, որ արհեստական մսամթերքի էկոլոգիական հետևանքները երկարաժամկետ բնույթ են կրելու: Փոխարենն առաջարկում են նոր տեխնոլոգիաներն օգտագործել բնական մսի էկոլոգիական վնասները նվազեցնելու համար:

 Ամենաընթերցվողը բաժնում
Նիդերլանդների գյուղատնտեսական հեղափոխությունը
Էկոլոգիական ինչ գին ենք վճարում ամենամատչելի հագուստի համար
Ինչ առավելություններ ունի խելացի գյուղատնտեսությունը
Ինչու է աշխարհն անցնում անկանխիկ շրջանառության
 Ուշադրության կենտրոնում
ՀՀ-ում ԱՁ է հաշվառել ՌԴ 938 քաղաքացի, ՍՊԸ գրանցել՝ 268․ Հիմնականում՝ ՏՏ ոլորտում

ՀՀ-ում ԱՁ է հաշվառել ՌԴ 938 քաղաքացի, ՍՊԸ գրանցել՝ 268․ Հիմնականում՝ ՏՏ ոլորտում «Իր ընկերությունը ՀՀ տեղափոխել ցանկացողը պետք է վերցնի անձնագիրը, գա ՀՀ, այն թարգմանի նոտարում, գնա ռեգիստր»,-ասել է իրավաբանը

 Բաժնի այլ նյութերը
Դատարկ փեղկերի առասպելը Ինչու են մարդիկ խուճապային գնումներ կատարում ցնցումների ժամանակ
Զսպելով բարկությունն ու գնաճը Պատերազմն ու մեր դատարկվող գրպանը
Լավ ես քշում՝ վատամարդ ես, վատ ես քշում՝ լավամա՞րդ Ինչքան են վաստակում ԱՊՊԱ-ները ՀՀ-ում
---