Սոֆթը շատ, երկաթը՝ քիչ

Սոֆթը շատ, երկաթը՝ քիչ

WWDC 2022-ին Apple-ի գլխավոր նորույթները

Apple-ի արտադրանքի ծրագրային ապահովում մշակողների WWDC (Worldwide Developers Conference) միջազգային կոնֆերանսը, որը մեկնարկել է հունիսի 6-ին ու կավարտվի հունիսի 10-ին, ավանդաբար ավելի հարուստ էր ծրագրավորման ոլորտի նորություններով, իսկ ապարատային մասին հատկացված ուշադրությունն այնքան էլ մեծ չէր։

PanARMENIAN.Net - Այդուհանդերձ, Apple-ը ներկայացրեց նոր MacBook Air-ն ու MacBook Pro 13″-ը, պատմեց նոր SoC-ի մասին ու խոստացավ արտադրողականության աճ։ PanARMENIAN.Net ը հակիրճ պատմում է գլխավոր նորույթների մասին։

Ապարատային նորույթները

Apple-ը ներկայացրեց նոր սերնդի MacBook Air ու MacBook Pro 13″ լապթոփերը: Տեխնիկական առումով փոփոխությունները 1.5 տարվա ընթացքում դժվար է արմատական համարել. MacBook Air-ը ստացել է 13.6 դյույմանոց 2560×1664, 224 ppi, IPS մոնիտոր, 8/16/24 ԳԲ LPDDR4 օպերատիվ հիշողություն, 256 ԳԲ/512 ԳԲ/1 ՏԲ/2 ՏԲ ֆլեշ հիշողություն ու մի փոքր թեթև է իր նախկինից: MacBook Pro 13″-ի մոնիտորը 13.3 դյույմ 2560×1600, 227 ppi, IPS է, օպերատիվ ու ֆլեշ հիշողության դիապազոնը կրկնում է MacBook Air-ին: Երկու սարքերում էլ իսկական նորույթ է միայն Apple M2 SoC-ը՝ բաղկացած չորս արտադրողական ու չորս էներգաէֆեկտիվ պրոցեսորային, ինչպես նաև՝ մինչև 10 գրաֆիկական միջուկներից: Ավանդաբար, Apple-ը ոչինչ չի ասում հաճախականությունների մասին, սակայն պնդում է, որ արտադրողականությունը կաճի մինչև 1.4 անգամ: Ապարատային նորություններն այսքանով ավարտվում են:

Սոֆթվերային նորույթները. iOS 16

Նոր մոբայլ օպերացիոն համակարգի հանրային բետան հասանելի կլինի արդեն հուլիսին: Նորույթները մի քանիսն են: Նախ, Apple-ը վերջապես թույլ է տալիս առավելագույնս կաստոմիզացնել արգելափակման էկրանը՝ անգամ տառատեսակի փոփոխության միջոցով, iMessage-ում ավելացվել է հաղորդագրությունները խմբագրելու կամ ջնջելու հնարավորություն, իսկ Apple Pay-ը համալրված ֆունկցիոնալության շնորհիվ սմարթֆոնը վերածում է լիարժեք վճարային տերմինալի:

Լայն հնարավորություններ կան էմոձիների ստեղծման առումով. այժմ բավարար է վերցնել իրական լուսանկար առաջին պլանում որևիցե օբյեկտով, ինչից հետո օբյեկտն ավտոմատ կերպով կկտրվի լուսանկարից ու այն հնարավոր կլինի օգտագործել հաղորդագրություններում:

iOS 16-ը նաև ճկուն կարգավորումներով մանկական ըքաունթներ ստեղծելու հնարավորություն է տալիս. օրինակ, կարելի է սահմանել ցանկացած տիպի կոնտենտի համար թույլատրելի տարիքը, կիսվել երեխայի տեղակայման մասին տեղեկատվությամբ ընտանիքի անդամների հետ, ինչպես նաև սահմանել օրվա այն ժամերը, երբ երեխան չպիտի օգտվի սմարթֆոնից:

Apple-ը նաև վերափոխել է «խելացի տան» համար իր Home հավելվածը, ու խոստանում է խորացնել համագործակցությունը «խելացի տան» էկոհամակարգում աքսեսուարներ արտադրողների հետ:

macOS Ventura ու iPadOS 16

Դեսքթոփային օպերացիոն համակարգի հետաքրքիր նորույթ է պատուհանների միջև անցումների Stage Manager համակարգը. բացված պատուհանները խմբավորվում են ձախ կողմում՝ ըստ հավելվածների առանձնացված խմբերով, օրինակ՝ Mail-ի բոլոր նամակները՝ մի խմբում, Pages փաստաթղթերը՝ մեկ այլ խմբում և այլն: Աշխատանքային պատուհանն էլ բացվում է մեջտեղում:

Կատարելագործվել է նաև Spotlight որոնումը՝ կրճատելով Spitlight-ի ու որոնման վերջնական արդյունքի միջև շղթաների քանակը: Օրինակ, «ավտոմեքենաների լուսանկարներ» հարցմամբ Spotlight-ը ոչ միայն որոնելու է ֆայլերի անվանումներով, այլևս ցույց կտա Photo-ում այն լուսանկարները, որոնք համապատասխանում են տվյալ հարցմանը: Ըստ էության, նոր ֆունկցիան թույլ է տալիս իրականացնել պարզ որոնում ինտերնետում՝ առանց որոնողական համակարգի դիմելու:

Ամենահետաքրքիր նորույթը, թերևս, այն է, որ այսուհետ հնարավոր կլինի iPhone-ի տեսախցիկներն օգտագործել, որպես վեբ-տեսախցիկ՝ ամրացնելով սմարթֆոնը մոնիտորի վերին հատվածում: Նշենք, որ բոլոր վերոնշյալ ֆունկցիաները աշխատելու են թե macOS Ventura-ում, և թե iPadOS 16-ում:

watchOS 9

«Խելացի ժամացույցների» օպերացիոն համակարգում ընդլայնվել են պարապմունքների հնարավորությունները, ավելացրել են դեղերի ընդունումը հիշեցնելու ֆունկցիա, հնարավոր կլինի կաստոմիզացնել ցիֆերբլատի ֆոնը:

Ժամացույցները կարողանալու են ավելի լավ հայտնաբերել թարթուն առիթմիան օգտատիրոջ մոտ՝ հետևելով օրվա ընթացքում զարկերակին ու հայտնելով կասկածների առաջացման դեպքում:

Արման Գասպարյան
 Ամենաընթերցվողը բաժնում
Internet Explorer-ի «մահն» ու դրա հետևանքները
Որոնք էին Summer Game Fest 2022-ի գլխավոր անոնսները
Մեծ ադրոնային կոլայդերում սկսել են ռեկորդային էներգիայով մասնիկների բախումները
Ջեյմս Ուեբի աստղադիտարանը Տիեզերքի խորքային ուսումնասիրության ընթացքում խիստ անսովոր օբյեկտներ է գտնում
 Ուշադրության կենտրոնում
Google-ում, Facebook-ում տեղադրվող գովազդներն ուզում են հարկել

Google-ում, Facebook-ում տեղադրվող գովազդներն ուզում են հարկել Ըստ Քերոբյանի, առնվազն 20 մլրդ դրամ հարկ կհավաքվի

 Բաժնի այլ նյութերը
Համակարգիչների արքան Ամերիկյան սուպերհամակարգիչը հաղթահարել է էքզաֆլոպսային սահմանը` ի՞նչ է դա նշանակում
Հայացք՝ վերևներից «Հայաստանի առաջին արբանյակի» տեխնիկական մանրամասները
Փոքրից փոքրն էլ կա Ինչ է տեխպրոցեսը և ուր է հասել կիսահաղորդիչների արտադրությունը
---