«2009թ. մենք կատարեցինք եւ նույնիսկ գերակատարեցինք ճանապարհային ոստիկանության սահմանած պլանը` տեղադրելով 2500 ճանապարհային նշան, 7 լուսանշանային օբյեկտներ եւ կատարելով 1,3 մլն մետր գծանշումներ»,-հաղորդում է «Լուսանշան» ընկերության գլխավոր ինժեներ Հակոբ Ալթունյանը, որը զբաղվում է լուսանշանների եւ ճանապարհային նշանների շահագործման հարցերով: Իսկ ընթացիկ տարում պետք է անել ավելին` տեղադրել 3500 ճանապարհային նշան եւ 17 լուսանշանի օբյեկտ, որը ներառում է 139 լուսադիոդային լուսացույցներ տրանսպորտային միջոցների համար եւ 110 լուսանշան հետիոտնի համար, ինչպես նաեւ 300 ժամային մեխանիզմով լուսանշան` հետհաշվարկով:
Սակայն այս բոլոր աշխատանքները, գտնում է «Աքիլես» վարորդների իրավունքների պաշտպանության հասարակական կազմակերպության ղեկավար Էդուարդ Հովհաննիսյանը, լոկալ բնույթ են կրում: Նա պատմել է, որ 1987թ. ի վեր Հայաստանում երթեւեկության կանոնակարգման ոչ մի համալիր միջոցառում չէր անցկացվել, այսինքն վերջին անգամ դա կատարվել է դեռ խորհրդային տարիներին: «Մենք չունենք կանոնակարգված ճանապարհային երթեւեկության կանոններ եւ բախվում ենք խնդիրների հետ արդեն քաղաքի փոքր կենտրոնում, էլ չասած ծայրամասերի մասին»,-գտնում է Է.Հովհաննիսյանը:
«Անցյալ տարվանից ի վեր մենք տարբերություն չենք դնում լուսանշանների եւ ճանապարհային նշանների տեղադրման հարցում, լինի դա կենտրոնում, թե ծայրամասերում: 2010-ին մենք արդեն տեղադրել ենք 41 նշան տարբեր շրջաններում: Սակայն մենք չենք որոշում, թե որտեղ է դրվելու նշանը: Ամեն ինչ կատարվում է ճանապարհային ոստիկանության պատվերով` ճանապարհի լայնության, հետիոտների թվաքանակի չափումների առումով»,-ասել է «Լուսանշանի» գլխավոր ինժեներ Հակոբ Ալթունյանը: Ըտ նրա, 2010թ. նախատեսվում է կատարել շուրջ 2 մլն մետր գծանշում: Սակայն գծանշումները եւս վեճերի առիթ են դառնում վարորդների եւ ոստիկանների միջեւ: Օրինակ, Արշակունյաց պողոտայում, տրամվայի հին պարկի մոտ երրորդ գծում շրջադարձի նշան կա: Սակայն իրականում այդ տեղով ընթացող վարորդը չի կարող շրջադարձ կատարել, իսկ անցնել այլ գիծ նա չի կարող գծանշման պատճառով: Եվ նման օրինակները բազում են»,-ասել է Է.Հովհաննիսյանը:
Սակայն Հ.Ալթունյանը եւս օրինակներ ունի, որոնք հաստատում են վարորդի մեղքը սխալ գծանշումների հայտնվելու եւ ճանապարհային նշանների անհետացման գործում: «Երբ մենք ավարտում ենք աշխատքնը, մարդիկ վերցնում են սեւ ներկը եւ ներկում են նշված գծերը: Նրանք կարող են նույնիսկ փոխել ճանապարհային նշաննների տեղերը կամ ուղղակի վերացնել դրանք: Այդպես Խորենացու եւ Քրիստոփորի փողոցների խաչմերուկում մարդիկ փոխել են մուտքը արգելող նշանը, իսկ Մաշտոց-Պուշկին խաչմերուկում պարբերաբար ներկվում է դեպի աջ շրջադարձ ցույց տվող գծանշումը: Իսկ գլխավորն այն է, որ ոչ ոքի ձեռքը չես կարող բռնել եւ պատժել էլ չես կարող: Ուստի նշաններն անընդհատ անհետանում են, իսկ գծանշումը ջնջվում է»:
Այսպիսով ստացվում է, որ կամ մեղավորներ չկան, կամ բոլորն են մեղավոր, չէ որ մեղքը իրար վրա բարդելով չի կարելի աշխատել: Մինչդեռ Հայաստանում գրանցվում են նոր ճանապարհատրանսպորտային պատահարներ: Արդեն հունվարին ՀՀ-ում գրանցվել է 153 ճանապարհատրանսպորտային պատահար, այդ թվում երթուղային տաքսու վթար: Սա պաշտոնական վիճակահանությունն է, որը ներկայացրել է ՀՀ ոստիկանությունը: