Ինքնասպանությունն ամենասարսափելի երևույթն է դեռահաս էմոների շրջանում

PanARMENIAN.Net - Նրա խոսքերով, ինքնասպանություններից բացի, դեռահաս էմոների շարքում ողջունելի է ոչ ավանդական սեռական կողմնորոշումը և բիսեքսուալիզմը: «Շատ հաճախ մեր հանդիպումների ժամանակ աղջիկները կարող են համբուրվել աղջիկների, տղաները` տղաների հետ»,- ասել է աղբյուրը:

Նա նաև ավելացրել է, որ ի տարբերությունների էմոների, գոթերին հատուկ չէ ինքնասպանության դիմելը, բայց «յուրաքանչյուր իրեն հարգող գոթ ընդունակ է սպանության»:

Չնայած դրան, պետք է նշել, որ ավելի հաճախ էմո ենթամշակութային շարժման ներկայացուցիչները «խաղ են անում մահվան» հետ, օրինակ, երակների վրա կտրվածքները շատ «նորաձև» են: Պետք չէ նաև մոռանալ, որ անհաջող ինքնասպանության նշանները մարմնի վրա ընդունվում են որպես գերազանցության նշան: Հաճախ դրա հետևում կանգնած է ոչ միայն ծնողներին ապշեցնելու ու շանտաժի դիմելու փորձը, այլ նաև առավել խորը դրդապատճառներ, այդ թվում` մահվան վախը հաղթահարելու, այն «ձեռնասուն դարձնելու» ձգտումը:

Համարվում է, որ էմոները չեն գովերգում մահվան գեղեցկությունը և չեն ձգտում դրան: Նրանք վախենում են մահից, բայց միաժամանակ այն գրավում է նրանց, որովհետև կարող է փրկություն լինել միայնությունից և ցավից, որը զգում է յուրաքանչյուր էմո այս դաժան աշխարհում: Քանի որ նման հոգեբանական խնդիրներ կան գրեթե յուրաքանչյուր դեռահասի մոտ, էմոների սուբկուլտուրան լայն տարածում է ստացել մեր օրերում: Վիճակագրության համաձայն, դեռահաս էմոների շարքում սուիցիդների քանակն ավելի շատ է, քան գոթերի շրջանում: Ըստ էության, «ավարտուն» ինքնասպանությունների տոկոսն այդ սուբկուլտուրաների շարքում այդքան մեծ չէ դեռահասների սուիցիդների ընդհանուր քանակի մեջ: