2010 թվականի սեպտեմբերին` Բաքվի հրապարակում դրոշը կանգնեցնելու արարողությունից ընդամենը մի քանի օր անց Ադրբեջանի ազգային խորհրդանիշը չդիմացավ ուժեղ քամուն և պատռվեց: Այդ ժամանակ Ադրբեջանի իշխանությունները փորձեցին բացատրություն գտնել այդ տարօրինակ միջադեպին կապված դրոշի հետ, որի կանգնեցման համար ոչ պակաս, քան 25 միլիոն ԱՄՆ դոլար էր ծախսվել:
Հարկ է հիշեցնել, որ հենց դրոշի բացման արարողության ժամանակ Ադրբեջանի նախագահ Իլհամ Ալիևը հայտարարել էր, որ այդ դրոշը «երբեք չի իջեցվի, և շուտով Ադրբեջանի դրոշը կծածանվի նաև Ղարաբաղի գլխավերևում»: Սակայն անգամ բնությունը, դիմադրելով Ալիևի ցանկությանը, կանխագուշակում է, որ ադրբեջանական դրոշն այլևս տեղ չունի անկախ Արցախում, անգամ եթե դրոշաձողի կանգնեցման համար ոչ թե միլիոններ, այլ միլիարդներ ծախսվեն: Իլհամ Ալիևն ավելի լավ է ոչ թե ժամանակ ծախսի պատրանքների վրա, այլ մտածի այն մասին, թե ինչպես ավելի ամուր կանգնեցնի ադրբեջանական դրոշն առաջին հերթին հենց Բաքվում: