Ճիշտ է, առաջարկներ ներկայացնելը և կյանքի կոչելը տարբեր բաներ են, սակայն Սաուդյան Արաբիան լի է Ասադի ռեժիմը տապալելու և Սիրիայում սունիթական կառավարում հաստատելու վճռականությամբ: Հիշեցնենք, որ Բաշար Ալ Ասադը պատկանում է ալավիտների ճյուղին, որոնք քարոզում են շիիզմ և այդ պատճառով վայելում է Իրանի աջակցությունը: ԱՊԼ վերջին նախաձեռնությունը Սիրիայի համար համատեղ խաղաղապահ ուժերի ստեղծումն է: Խաղաղապահները պետք է հետևեն հրադադարի ռեժիմին: Ավելին, ԱՊԼ-ն հանդես է եկել սիրիական ընդդիմությունը որպես երկրում իսկական իշխանություն ճանաչելու պաշտոնական կոչով: Բայց հատկապես ո՞ւմ է ընտրելու առանձին գործող ընդդիմությունից, անհասկանալի է: Դրանք «Մահմեդական եղբայրների», «Ալ Քայիդայի» խմբավորումներն են, այսպես կոչված Ազատ սիրիական բանակը և էլի շատ խմբավորումներ, ինչն անխուսափելի է ցանկացած արաբական աշխարհում:
Միաժամանակ, Սիրիայի կառավարությունն անհապաղ դատապարտել է այդ նախաձեռնությունը: SANA պետական տեղեկատվական գործակալության հաղորդագրությունում ասվում է, որ Դամասկոսը նրանց ամբողջովին հերքում է:
Այնուամենայնիվ, ԱՊԼ-ն, որի կազմի մեջ մտնում են 22 պետություններ, արդեն նշանակել է «Սիրիայի բարեկամներ» կոալիցիայի առաջին նիստը, որի մեջ մտնում են արաբական պետությունները, ԱՄՆ-ը և եվրոպական տերությունները, որոնք ղեկավարվում են Սիրիայում բռնությունը դադարեցնելու գաղափարով: Այդ դաշինքը ձևավորվեց այն բանից հետո, երբ Ռուսաստանը և Չինաստանը վետո դրեցին ՄԱԿ ԱԽ բանաձևի նախագծի վրա: «Բարեկամներն» առաջին անգամ կհանդիպեն փետրվարի 24-ին Թունիսում: Ի սկզբանե հանդիպումը նախատեսվում էր Ստամբուլում, բայց արաբները հավանաբար որոշեցին, որ արաբական երկրները պետք է հավաքվեն իրենց տարածքում: Բայց անհնար կլիներ առանց Թուրքիայի մասնակցության: Թուրքիայի ԱԳՆ ղեկավար Ահմեդ Դավութօղլուի խոսքով, փորձելով Սիրիայում կարգավորման հասնել դիվանագիտական ճանապարհով, միջազգային հանրությունը պետք է պատրաստ լինի նրան, որ դիվանագիտությունը հաջողություն չի բերի: ԱՄՆ պետքարտուղար Հիլարի Քիլնթոնի հետ համատեղ մամլո ասուլիսում նա հայտարարել է, որ համաշխարհային հանրությունը պետք է պահեստային պլան ունենա Սիրիայի շուրջ բանակցություններում դիվանագիտական ձախողման դեպքում: Բայց այստեղ պետք է նշել, որ լիբիական սցենարի կրկնությունը ոչ ոք չի ցանկանում՝ քաոսի մեջ ընկղմված ևս մեկ արաբական երկիր աշխարհը չի տանի: Օրերս TIME-ը հրապարակել է զրույց ոմն սիրիացի ընդդիմադիրների հետ, որոնց պարզ ասվել է, որ «երկրորդ արգելված թռիչքային գոտի չի լինի»: Այնտեղ էլ բերվում են ընդդիմադիրների բավական հետաքրքրիր կարծիքներ «Մահմեդական եղբայրների» և «Ալ Քայիդայի» մասին, մասնավորապես, հաստատվում է, որ վերոնշյալ խմբավորումները չեն օգնի ընդդիմությանը, այլ կփորձեն իրենք վերցնել իշխանությունը: Դա արդեն տեղի է ունենում Եգիպտոսում, մասամբ Թունիսում և կարող է տարածվել ողջ Մերձավոր Արևելքում: Պատահական չէ, որ կազմակերպության ներկա ղեկավար Այման Ալ Զավահիրին փետրվարի 11-ին իր տեսաուղերձում կոչ է արել սիրիացիներին չվստահել Արևմուտքին և արաբական պետությունների կառավարություններին Բաշար Ասադի ռեժիմի դեմ պայքարում: «Ալ Քայիդայի» ղեկավարը կոչ է արել Թուրքիայի, Իրաքի, Լիբանանի, Հորդանանի և այլ երկրների մահմեդականներին «Սիրիայի եղբայրներին» ցուցաբերել ցանկացած օգնություն, բայց այդ խնդրանքը չի տարածվում արևմտյան և արաբական երկրների կառավարությունների վրա:
«Կախված մի եղեք ԱՊԼ-ից և այն կոռուպցիոներներից, որոնք աջակցում են նրան»,- դիմել է ալ Զավահիրին կողմնակիցներին, ընդգծելով, որ սիրիացիները չվստահեն Թուրքիային: «Այդ երկիրը երկար տարիներ շարունակ բարեկամական հարաբերություններ է ունեցել Ասադի ռեժիմի հետ: Իսկ հիմա ի՞նչ է պատահել: Ինչո՞ւ է Թուրքիան երես թեքել նրանից: Մի վստահեք Թուրքիային և ԱՊԼ-ին, վստահեք միայն ձեր սրտին և բանականությանը»,- ասել է նա:
Վերադառնանք խաղաղապահների առիթով ԱՊԼ նախաձեռնությանը: Jordan Times թերթի մեկնաբանը նշում է, որ այդ արաբական նախաձեռնությունը, որը նշանակում է բոլոր ուժերի միավորում սիրիական խնդրի լուծման համար պայքարում, ունի մեծ քաղաքական նշանակություն, սակայն դրա գործնական նշանակությունն ակնհայտ չէ:
Հակասիրիական ձայների ընդհանուր ֆոնի վրա իր ավանդն է ունեցել ՄԱԿ-ը, որը կասկածում է սիրիական իշխանություններին մարդկության դեմ հանցագործությունների մեջ: Մարդու իրավունքների հարցերով ՄԱԿ գերագույն հավատարմատար Նավի Պիլայի խոսքով, վերջին տարում Սիրիայի անվտանգության ուժերը սպանել են ավելի քան 5400 մարդ: Ելույթ ունենալով Սիրիայի հարցով գլխավոր վեհաժողովի լիագումար նիստում՝ Պիլայը հաղորդել է համոզիչ ապացույցների առկայության մասին, որ իբր Սիրիայի իշխանությունները կատարում են մարդկության դեմ հացագործություն: Նա հայտարարել է, որ Բաշար Ասադի կառավարությունը պետք է Միջազգային քրեական դատարանի կողմից ենթարկվի պատասխանատվության: Բայց ապացույցները չեն ներկայացվել, և այդ պատճառով Պիլայի մեղադրանքները դեռևս կախված են օդում: Դա նման է Սադամ Հուսեյնի զանգվածային ոչնչացման զենքին: Իսկ ինչ վերաբերվում է Հաագայում դատարանին, ապա դա ոչինչ չի կարող անել: Մուամար Քադաֆիին նույնպես կանգնեցրին այդ դատարանի առաջ: Վերջը բոլորը գիտեն, իսկ Բաշար Ասադը բոլորովին չի ցանկանում կիսել Լիբիայի առաջնորդի ճակատագիրը: