Իսլամի նկատմամբ ԱՄՆ նոր  քաղաքականությունը տանում է քաոսի և նոր պատերազմների՞

Իսլամի նկատմամբ ԱՄՆ նոր քաղաքականությունը տանում է քաոսի և նոր պատերազմների՞

Վաշինգտոնը նույն սխալն է կրկնում. չէր կարելի ներխուժել Իրաք՝ նա արեց դա, չէր կարելի խառնվել աֆղանական միջցեղային կռիվներին, ռմբակոծել Լիբիան՝ դրանք նույնպես արեց

Ամերիկյան նախագահները և բարձրաստիճան պաշտոնյաները երբեք առանձնապես գլուխ չեն հանել արտաքին քաղաքական հարցերից, հատկապես եթե բանը վերաբերվել է աշխարհագրությանը այս կամ այն երկրներում իրական դրությանը: Քրեստոմատիական է դարձել Ռոնալդ Ռեյգանի օրինակը, ով այն հարցին, թե ինչ է Աֆրիկան, պատասխանել է. մեծ երկիր՝ բնակեցված սևամորթներով:

PanARMENIAN.Net - Բուշ կրտսերի մասին խոսելու հարկ անգամ չկա: Նախօրեին աչքի է ընկել պետքարտուղար Հիլարի Քլինթոնը, հայտարարելով, որ ԱՄՆ-ը չգիտի, թե ինչ է սիրիական ընդդիմությունը: Չափազանց տարօրինակ հայտարարություն, եթե հաշվի առնել այն, որ հենց Բաշար Ասադի ընդդիմությանն է աջակցում ԱՄՆ-ը: Ավելի ճիշտ, սատարում է Արաբական պետությունների լիգայի թույլտվությամբ, որտեղ Եգիպտոսի՝ որպես պետության ոչնչացումից հետո գլխավոր դեր է խաղում Քաթարը, որն այսօրվա դրությամբ աշխարհի ամենահարուստ երկիրն է: Իսկ քանի որ Քաթարն արտահայտում է Պարսից ծոցի նավթային միապետությունների շահերը, ապա, բնականաբար, Վաշինգտոնը լսում է նրան: Վաշինգտոնը նույն սխալն է կրկնում. չէր կարելի ներխուժել Իրաք՝ նա արեց դա, չէր կարելի խառնվել աֆղանական միջցեղային կռիվներին, ռմբակոծել Լիբիան՝ դրանք նույնպես արեց: Միգուցե Սիրիային և Իրանին հաջողվի փրկվել «ժողովրդավարությունից»:Քլինթոնը Սենատի բյուջետային հատկացումների հանձնաժողովի լսումներում հայտարարել է. «Մենք հատուկ ուշադրություն ենք դարձնում արաբական աշխարհում արմատական փոփոխությունների ալիքին: Այս կամ այն երկրում վերափոխություններ ընթանալուն զուգահեռ պետք է փոխվի նրա հետ մեր երկխոսության բնույթը: Մեր երկկողմանի համագործակցությունից և անվտանգության ոլորտում աջակցությունից բացի մենք առաջարկում ենք ստեղծել Մերձավոր Արևելքին և Հյուսիսային Աֆրիկային խթանելու ֆոնդ՝ 770 մլն դոլարով: Այդ բյուջետային հատկացումը թույլ կտա մեզ օգնել սիրիական ժողովրդին հաղթահարել դաժան հարձակումները և պլանավորել ապագան առանց Ասադի: Այն թույլ կտա շարունակել մեր օգնությունը քաղաքացիական հասարակությանը և արաբ գործընկերներին Հորդանանում, Մարոկկոյում, Թունիսում և այլ երկրներում: Այն կապահովի մեր դաշնակից Իսրայելին աջակցելու ռեկորդային մակարդակ և հնարավոր կդարձնի մեր դիվանագիտությունը ՄԱԿ-ում և ողջ աշխարհում, որը մեր օգնությամբ թույլ է տվել գործողության մեջ դնել Իրանի նկատմամբ ամենադաժան պատժամիջոցներ»: Ինչպես միշտ, սին խոսքեր, որոնք կոչված են արդարացնել Սիրիայի կամ Իրանի դեմ հնարավոր ագրեսիան: Սակայն այդ գումարը շատ քիչ է բոլոր այն նախագծերի համար, որոնք թվարկվել են: Քսակները կբացեն Քաթարը և Սաուդյան Արաբիան, ինչն արդեն նրանք անում են՝ Քաթարը Գազայի հատված է փոխանցել 250 մլն դոլար օգնություն:

Բայց սա ամենը չէ: Ինչպես հաղորդվում է, վերջերս անցկացված հարցումի համաձայն ԱՄՆ-ում մզկիթների քանակը զգալիորեն ավելացել է 2001-ի սեպտեմբերի 11-ի ահաբեկչությունից հետո, չնայած նրան, որ շատերը դեմ են դրանց շինարարությանը և պնդում են, որ դրանք նպաստում են արմատականության ուժեղացմանը: Երկրում հաշվվում են ավելի քան 2100 մզկիթներ, ինչը 74 տոկոսով ավել է, քան վերջին հաշվարկի ժամանակ, որն անցկացվել է ահաբեկչությունից մեկ տարի առաջ: Բացի դրանից, հաստատվել է, որ ավելի շատ մահմեդականներ են տեղափոխվում արվարձաններ և ավելի սերտ ինտեգրվում ամերիկյան հասարակության մեջ: Ամենաշատ մզկիթները Նյու Յորք նահանգում են՝ 257: Նրան զիջում է Կալիֆորնիան 246 մզկիթներով: Սակայն եթե 2000թ.-ին մզկիթների մեծամասնությունը գտնվում էր երկրի հյուսիս-արևելքում, ապա տասը տարի անց դրանք ավելի շատ են հարավային նահանգներում: Հարցման արդյունքների համաձայն, 2,6 մլն մահմեդականներ այցելում են մզկիթ իսլամական օրացույցի ամենագլխավոր կրոնական տոներից մեկի՝ Ուրազ Բայրամի ժաժամանակ: Մահմեդական համայնքի որոշ առաջնորդների կարծիքով, այդ թիվը խոսում է այն մասին, որ ԱՄՆ-ում մահմեդականների ընդհանուր թիվը կարող է կազմել շուրջ 7 մլն մարդ, ինչն ավելի շատ է, քան ենթադրվում էր: Բայց մահմեդականները, չնայած նրանց թվի արագ աճին, դեռևս կազմում են երկրի բնակչության 2-4 տոկոսը: Իսկ ինչ վերաբերվում է մզկիթների շինարարությանը, ապա դա թանկ գործ է և բնական է, որ ֆինանսավորումը գալիս օվկիանոսի մյուս կողմից: Անհամար իսլամական կենտրոնները, որտեղ ուսուցանում են Ղուրան, շարիաթ և «ձեռքի հետ» էլ՝ ահաբեկչություն, ակնհայտորեն մահեդական համայքնի փողերով չեն սնվում: Ճիշտ է, Ամերիկայում շարիաթի դատարաններ դեռ չեն ստեղծվել, բայց ոչ ոք դրանից ապահովագրված չէ: Նման դատարաններ կան Եվրոպայում, և ոչինչ չի խանգարում ամերիկյան մահմեդականներին դիմել դրանց ընտանեկան խնդիրների լուծման համար:

Հենց այդ մասին պետք է մտածեր ԱՄՆ-ը, որն այդքան անխոհեմ դավաճանեց Մերձավոր Արևելքում իր հավատարիմ դաշնակիցներին և թույլ տվեց իշխանության գլուխ բարձրանալ «մահմեդական եղբայրներին» և «Ալ Քայիդային»:

Կարինե Տեր-Սահակյան
 Ամենաընթերցվողը բաժնում
Socar-ը ֆինանսավորել է պատերազմը Շվեյցարիայից
Վրացական ռեֆորմների կնքահայրը՝ արդարություն վերականգնելու փորձերի մասին
Նոր քաղաքականության ռիսկերն ու հնարավորությունները
 Ուշադրության կենտրոնում
Reuters․ Բանկերը հրաժարվում են ֆինանսավորել Բոսֆորի նեղուցը շրջանցող ջրանցքի կառուցումը

Reuters․ Բանկերը հրաժարվում են ֆինանսավորել Բոսֆորի նեղուցը շրջանցող ջրանցքի կառուցումը Պատճառը բնապահպանական, քաղաքական և ֆինանսական ռիսկերն են

 Բաժնի այլ նյութերը
Սիրել տալ յաթաղանը Ինչպես է Թուրքիան գրավում միլիոնների սրտերը սերիալների օգնությամբ
«Աղետից հետո 2 գիշեր չկարողացա պառկել» Լիբանանը՝ պայթյունից 6 օր անց
«Տառականը» ընդդեմ երեք կնոջ Բելառուսում ընտրությունները կարող են ավարտվել հեղափոխությամբ կամ արյունով
---