Հայաստանի հավաքականի մյուս ընկերական հանդիպումը կկայանա «Հրազդան» մարզադաշտում

Հայաստանի հավաքականի մյուս ընկերական հանդիպումը կկայանա «Հրազդան» մարզադաշտում

Հայաստանի հիմնական ֆուտբոլային նորությունները

Փետրվարի 28-ին և 29-ին Կիպրոսի «Ցիրիոն» մարզադաշտում Հայաստանի ֆուտբոլի հավաքականը ընկերական հանդիպումներ անցկացրեց Սերբիայի և Կանադայի հավաքականների հետ: Առաջին հանդիպմանը Վարդան Մինասյանը խաղալու հնարավորություն էր տվել բազմաթիվ երիտասարդ ֆուտբոլիստների: Չնայած երկրորդ խաղակեսում ունեցած որոշակի առավելությանը, հայ ֆուտբոլիստները զիջեցին 0:2 հաշվով: Կանադայի դեմ Մինասյանը խաղադաշտ դուրս բերեց այն խաղացողներին, որոնք համարվում են ազգային հավաքականի հիմնական խաղացողներ:

PanARMENIAN.Net - Նրանք հիանալի հանդիպում անցկացրին և կարողացան հաղթանակ տանել: Չնայած Քևին Մաքկենայի գոլի շնորհիվ հաշվի մեջ առաջ անցան կանադացիները, բայց 23-րդ րոպեին Մարկոս Պիզելլին հեռահար գեղեցիկ հարվածով նախ հավասարեցրեց հաշիվը, ապա խփեց Հայաստանի երկրորդ գնդակը:

Խաղավարտին էլ Արթուր Սարկիսովի վաստակած 11-մետրանոցը հաջող իրացրեց հավաքականում իր նորամուտը նշող Արազ Օզբիլիսը, և խաղն ավարտվեց 3:1 հաշվով:

Հայաստանի ֆուտբոլի ֆեդերացիան արդեն պայմանավորվածություն է ձեռք բերել Հունաստանի ֆեդերացիայի հետ, ըստ որի, մայիս ամսին կայանալու է երկու երկրների ազգային հավաքականների ընկերական հանդիպում:

«Վարդան Մինասյանն ուզում է մայիսին 15-օրյա հավաք անցկացնել, և կփորձենք այդ ընթացքում ևս մեկ մրցակից գտնենք, որ էլի ընկերական հանդիպում անցկացնենք: Բայց ցանկանում ենք, որ այդ խաղը կայանա Հայաստանում»,- ասել է ՀՖՖ նախագահ Ռուբեն Հայրապետյանը:

Օգոստոսին Հայաստանի մրցակիցը կլինի Բելառուսի ընտրանին: Հայրապետյանի խոսքով այդ հանդիպումը, ամենայն հավանականությամբ, կկայանա «Հրազդան» մարզադաշտում. «Կարծում եմ, մենք կհասցնենք փոխել մարզադաշտի խոտածածկը, և այս հանդիպումն անցկացնել «Հրազդանում»:

Նա նաև նշել է, որ գոհ է ազգային հավաքականի խաղերից:

«Ընկերական խաղերի իմաստն այն է, որ գլխավոր մարզիչը նոր ֆուտբոլիստներ փորձարկի: Կիպրոսյան խաղերից ես կառանձնացնեի Սերբիայի խաղը: Բոլորս էլ գիտենք, թե ինչ ուժեղ հավաքական ունի Սերբիան, և մեր երիտասարդ ֆուտբոլիստները նրանց դեմ հիանալի էին խաղում: Այդ խաղից ես ուրախացա, քանի որ տեսա, որ մեր երիտասարդները պատրաստ են համալրելու ազգային հավաքականը»,- ասել է Հայրապետյանը:

Adidas ընկերության մարզահագուստը, ամենայն հավանականության, Հայաստան կժամանի ապրիլին, և այն փորձարկելու հնարավորություն հավաքականը կունենա մայիսին նախատեսված ընկերական խաղում:

Գոհար Նալբանդյան, Հասմիկ Բաբայան / PanARMENIAN News
 Ամենաընթերցվողը բաժնում
Մասնագետը՝ առողջ ապրելակերպի մասին
Ինչու են կանայք ընտրում ֆիթնես և բոդիբիլդինգ
Լավագույն app-երը՝ առավել զգուշավորների այլընտրանք
Ինչպես են մարզասրահները և մարզվողները «ֆորմի մեջ» մնում
 Ուշադրության կենտրոնում
Մարմնամարզիկ Արթուր Դավթյանը Աշխարհի գավաթի եզրափակչում է

Մարմնամարզիկ Արթուր Դավթյանը Աշխարհի գավաթի եզրափակչում է Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը

 Բաժնի այլ նյութերը
Easy ֆուտբոլ՝ մեծ էկրանին Դարձիր «12-րդ խաղացող» Անգլիական այգում, երկրպագիր մերոնց մաքուր օդին
Ուղին անվանում է առաջնամագլցողը Հարմարավետության գոտուց դուրս, քաղաքային աղմուկից հեռու
Բրազիլական ջիու-ջիցուն Հայաստանում Գետնի վրա մենամարտել իմացողն առավելություն ունի
---