Հայաստանում նախատեսվում է շարժական գույքի կադաստր ստեղծել 9 հունիսի 2010 - 16:28 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գևորգյանը հունիսի 8-ին ընդունեց Սլովակիայի Հանրապետության գեոդեզիայի, քարտեզագրության և կադաստրի գերատեսչության պատվիրակությանը` գերատեսչության նախագահ Ստեֆան Մոյզեսի ղեկավարությամբ: Ինչպես հաղորդում է ՏԿ նախարարության հասարակայնության հետ կապերի բաժինը, պատվիրակությունը Հայաստանում է ճանաչողական այցով: Հանդիպմանը մասնակցում էր նաև ՀՀ կառավարությանն առընթեր անշարժ գույքի կադաստրի պետական կոմիտեի նախագահ Երվանդ Զախարյանը: ՀՀ փոխվարչապետը նշեց, որ անշարժ գույքի կադաստրի համակարգը Հայաստանում առանցքային կառույցներից է համարվում` և որպես անշարժ գույքի բազա, և որպես սեփականության իրավունքի պաշտպանության երաշխիք: Նրա խոսքով, հատկապես մարզեր այցելությունների ժամանակ ակնառու է լինում անշարժ գույքի` մասնավորապես հողի հարկի, գույքահարկի ճշգրիտ բազաներ ունենալու առավելությունը: ՀՀ փոխվարչապետը նշեց, որ Հայաստանի կադաստրային համակարգում բարեփոխումներ են նախատեսվում` համակարգի ավտոմատացման, գրանցման նոր մեթոդների կիրառման եղանակով, ծրագրվում է ստեղծել շարժական գույքի կադաստր, և այս բոլոր նախաձեռնություններում սլովակ գործընկերների փորձն ուսանելի կլինի: Արմեն Գևորգյանը հույս հայտնեց, որ Հայաստան կատարած այս ճանաչողական այցը երկուստեք արդյունավետ կլինի և հնարավորություններ կստեղծի հետագա համագործակցության համար: Սլովակիայի Հանրապետության գեոդեզիայի, քարտեզագրության և կադաստրի գերատեսչության պատվիրակության ներկայացուցիչները փոխվարչապետին ներկայացրեցին Սլովակիայի կադաստրային համակարգը, իրականացվող ծրագրերը: Տեղեկացրեցին, որ համակարգի ավտոմատացումը իրենց երկրում նույպես առաջնահերթություն է համարվում`չնայած ինտերնետի միջոցով հասանելի են երկրի յուրաքանչյուր քաղաքացու անշարժ գույքի մասին բազային տվյալները: Պատվիրակության անդամները տեղեկացրեցին, որ այս այցելության ընթացքում հնարավորություն են ունեցել ուսումնասիրել Հայաստանի կադաստրային համակարգը և նպատակ ունեն ուսումնասիրությունների արդյունքում համեմատություններ անել երկու երկրների նույն համակարգերի միջև, դրական փորձը կիրառել իրենց երկրում: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու ՌԴ ԱԳՆ–ում կարծում են՝ 102–րդ ռազմաբազան ՀՀ ինքնիշխանության միակ երաշախավորն է Նշվել է, որ Արևմուտքը փոխարենը ոչինչ չի առաջարկում Բաքուն պարզաբանել է` ինչու չի ցուցադրվել Արայիկ Հարությունյանի հետ հարցազրույցը «Այն անպայման կցուցադրվի, սակայն պարզ չէ, թե երբ»,–ասել է Սեիդովը Վարսեն Աղաբեկյանը` Պաղեստինի ԱԳ նախարար Պաղեստինի ղեկավար Մամուդ Աբասը վստահություն է հայտնել երկրի նոր կառավարությանը |