Ռիշար Գալիանո.Ազնավուրը շատ ճշգրիտ մարդ է և գիտի՝ ինչ է ուզում29 նոյեմբերի 2012 PanARMENIAN.Net - Աշխարհահռչակ ակորդեոնահար Ռիշար Գալիանոն երեկ գիշեր ժամանեց Երևան: Նա եկել է մասնակցելու Հայաստանի պետական կամերային նվագախբի 50-րդ հոբելյանական համերգաշրջանի գալա համերգին և անակնկալ է պատրաստել հայ ունկնդրի համար: Ձեզ անվանում են «Ջազի սրբազան հրեշ»: Ինչու՞ եք ստացել այդ մականունը Չգիտեմ, բայց կսկսեմ մտածել այդ մասին: Իմ արվեստը իմ գործիքի պատճառով ջազի դասական ուղղվածություն չունի, և միգուցե դա է պատճառը: Դուք հանդիպել եք հռչակավոր ակորդեոնահար Աստոր Պիացոլայի հետ: Կարո՞ղ ենք, ասել, որ այն ճակատարգական եղավ Ձեզ համար Այո, իհարկե: Նա ինձ շատ կարևոր խորհուրդներ տվեց և ուժ՝ անել այն, ինչ անում եմ հիմա: Նա ասում էր, որ երաժիշտը պետք է նվագի իր երկրի երաժշտությունը: Դա մի քիչ նացիոնալիստական է, բայց ինչու՝ ոչ: Ակորդեոնն օգտագործում եք ջազ երաժշտության մեջ: Տեսնու՞մ եք այն ռոքում կամ ռեփում Իհարկե տեսնում եմ, պարզապես ես ինձ չեմ տեսնում հիփ-հոփում, երևի սերնդի հարց է, բայց կողմ եմ Աշխատել եք Շառլ Ազնավուրի հետ: Կպատմե՞ք մի քիչ այդ մասին Նրա հետ շատ եմ աշխատել: Բազմիցս ձայնագրվել ենք իրար հետ, գործիքավորել եմ նրա «Ապրել քեզ հետ» երգը: Դա շատ պրոֆեսիոնալ հանդիպում էր ինձ համար: Ազնավուրը շատ ճշգրիտ մարդ է և գիտի` ինչ է ուզում: Իսկ, առհասարակ, ակորդեոնն ի՞նչ լսարան ունի այսօր Շատ լայն լսարան ունի, որովհետև այն օգտագործվում է աշխարհի գրեթե բոլոր ազգերի ֆոլկլորային երաժշտության մեջ: Բազմիցս ելույթ եք ունեցել Երևանի կամերային նվագախմբի դիրիժոր Վահան Մարտիրոսյանի հետ: Պատմեք մի քիչ ձեր համագործակցության մասին Երկար ժամանակ է, ինչ ճանաչում եմ Վահանին և մեծ հարգանք ունեմ նրա տաղանդի նկատմամբ: Նա լավ դաշնակահար է և լավ դիրիժոր: Մեծ հաճույք է նրա հետ աշխատել: Ինչպիսի՞ համերգ է սպասվում դեկտեմբերի 1-ին Ամենակարևորն ունկնդրի հետ հանդիպումն է, նվագախմբի հետ համագործակցությունն ու լիցքերի փոխանակումը:Սոնա Խաչատրյան / PanARMENIAN News | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |