Վահագն Չախալյան.Սահակաշվիլին հիստերիայի մեջ է, նրա դիմակը պատռվեց25 հունվարի 2013 PanARMENIAN.Net - Ջավախքցի քաղաքական գործիչ, նախկին քաղբանտարկյալ Վահագն Չախալյանը արդեն մեկ օր է, ինչ ազատության մեջ է: Վրաստանի խորհրդարանի ընդունած համաներման ակտով Վահագնը դուրս եկավ բանտից: PanARMENIAN.Net-ին ջավախքցի քաղաքական գործիչը պատմեց, թե ինչով է զբաղվելու ազատ արձակվելուց հետո, շարունակելո՞ւ է արդյոք քաղաքական գործունեությունը և այլն: Վահագն, դու ազատ արձակվեցիր սովորական ընթացակարգով, գիտենք, որ դիմում ես ներկայացրել Վրաստանի խորհրդարան` պահանջով, որ քեզ քաղբանտարկյալ ճանաչեն: Ի՞նչ ես անելու հիմա, երբ ազատության մեջ ես: Ես չգիտեմ՝ իմ կարգավիճակը փոխվելուց հետո Վրաստանի խորհրդարանը ինչ կանի: Այն ինձ քաղբանտարկյալ ճանաչել է, փաստորեն: Իմ անունը քաղբանտարկյալների ցուցակից հանվեց, պարզ չէ, թե ինչ հանգամանքներով: Այն կազմակերպությունները, որոնց հանձնարարված էր, որ քննարկեին` քաղբանտարկյալ եմ, թե` ոչ, իրենք եկել էին այն եզրակացության, որ ես քաղբանտարկյալ եմ: Անունս հանվեց այդ ցուցակից, որովհետև ճնշումներ եղան: Քո գործը գտնվում է նաև Մարդու իրավունքների Եվրոպական դատարանում: Շարունակելո՞ւ ես պայքարը: Գործը ընթացքի մեջ է, ետ չի կանչվելու: Սպասելու ենք պատասխանին: Ամեն ինչ անելու ենք, որ 2008-ի դեպքերն ու իմ գործը նաև այստեղ նորից քննություն անցնեն: Գաղտնիք չէ, որ քեզ բանտարկեցին ջավախահայության իրավունքերի պաշտպանության հարցում ակտիվ պայքար մղելու արդյունքում: Շարունակելո՞ւ ես գործունեությունդ և ինչպիսի՞ արձագանք ես ակնկալում վրացական իշխանությունների կողմից: Իմ գործունեությունը շարունակելու եմ միանշանակ: Վրաստանի նախորդ իշխանություններն ամեն ինչ անում էին, որ ոչ միայն Ջավախքի, այլև Վրաստանի ամբողջ քրիստոնյա բնակչությունը հեռանա, դրդում էին այլ կրոնների: Սա արդեն գաղտնիք չէ, այդ մասին այսօր բոլորը բացահայտ խոսում են: Հիմա իշխանություններն ավելի ազատ են: Ես մեծ հույսեր չեմ կապում, բայց հավատում եմ, որ ինձ չեն զրկի գոնե խոսելու իրավունքից: Վերջիվերջո, Վրաստանում գալո՞ւ է մի իշխանություն, որը կհարգի բոլոր ազգերի իրավունքները, կմտահոգվի նրանց հարցերով: Չորս ու կես տարի է, ինչ Ջավախքում չես եղել: Այդ ընթացքում Վրաստանի ներքին քաղաքական կյանքում մի շարք զարգացումներ եղան` խորհրդարանական ընտրություններից հետո հույս կար, որ Վրաստանի իշխանությունները կփոխեն իրենց քաղաքականությունը կամ գոնե կմեղմեն: Ի՞նչ տրամադրություններ ես տեսնում Ջավախքում: Ջավախքում տրամադրությունները դրական են: Ժողովուրդը մի քիչ սկսել է շնչել Սահակաշվիլու և նրա հանցավոր ռեժիմից հալածանքներից: Մի քիչ ազատ են զգում և կարող է դրական զարգացման դաշտ ձևավորվի: Վրաստանի նախագահ Միխայիլ Սահակաշվիլին խիստ քննադատության է ենթարկել Բիձինա Իվանիշվիլիին և կառավարությանը` քեզ ազատ արձակելու համար: Ինչպե՞ս կմեկնաբանես: Սահակաշվիլին ընկել է հիստերիայի մեջ: Նրա դիմակը վերջանականապես պատռվում է և ներսում, և Վրաստանից դուրս: Ինչպես տեղյակ եք, իմ գործը, ճիշտ է, Վրաստանի ներսում այդքան հնչեղություն չստացավ, սակայն արտասահմանում մարդու իրավուների պաշտպանությամբ զբաղվող տարբեր կազմակերպություններ հետաքրքրված էին: Հիմա այս ամենից հետո նրա դիմակը պատռվում է: Նա այն ժամանակ անհեթեթ փաստարկներ էր բերում ու փորձում էր լռեցնել այդ կազմակերպությունների ձայնը: Վահագն, վերջում մեկ դրական հարց: Ինչպե՞ս ընդունեց վերադարձդ տղադ: Ի՞նչ էր անում այսքան ժամանակ բաժանումից հետո հորը տեսնելիս: Փոխանցիր մեզ այդ դրական տրամադրություները: Շատ էր ուրախացել: Դա իմ ընտանքիքի ամենաերջանիկ օրերից մեկն էր: Տղաս ամբողջ օրը պատմում է իմ բացակայության ժամանակ տեղի ունեցած դեպքերի մասին: Հ.Գ. Բանտարկության տարիներին մեկ անգամ չէ, որ լսեցինք, թե ինչպիսի դաժան պայմաններ էր ստեղծում Սահակաշվիլու ռեժիմը Վահագնի համար: Թույլ չէին տալիս, որ տեսնվի ընկերների ու հարազատների հետ, վտանգվում էր նրա առողջությունը: Նա երկու անգամ հացադուլ էր հայտարարել: Մեզ հետ զրույցում Վահագնը խնդրեց շրջանցել այդ հարցը և չխոսել դրա մասին: «Դրանք ինձ համար վատ հիշողություններ են և չեմ ուզում թունավորել իմ լավ տրամադրությունը»,- ասաց նա: Մարի Թարյան / PanARMENIAN News | Լոնդոնի հետ քննարկվել են Երևանի նոր գլխավոր հատակագծի մշակման հարցեր Քննարկումն ընթացել է Լոնդոնի քաղաքային պլանավորման OUTCOMIST ընկերության հիմնադիր-տնօրեն Քրիս Չոայի հետ Նախարար․ Աշակերտների թիվը դասարաններում կկրճատվի Միջին դպրոցում աշակերտների թիվն առավելագույնը կլինի 25, իսկ ավագ դպրոցում՝ 20 Եվրախորհրդի անվտանգության հարցերով կոմիտեի անդամները կայցելեն ՀՀ Նրանք կլինեն նաև Ադրբեջանում և Վրաստանում Սոլովյովի հեղինակային հաղորդումների հեռարձակումը ՀՀ–ում արգելափակվել է Այդ մասին հայտնել է ԲՏԱ փոխնախարարը |