   Մովսես Հակոբյան.ՊԲ ամենամեծ ձեռքբերումը մոտ 20 տարի շարունակվող փխրուն, բայց տևական խաղաղությունն է 9 մայիսի 2013 PanARMENIAN.Net - Մայիսի 9-ը Լեռնային Ղարաբաղի Պաշտպանության բանակի օրն է: Այս կապակցությամբ PanARMENIAN.Net-ը ներկայացնում է բանակի ձեռքբերումների, թերացումների, տարածաշրջանում նրա դերի և բանակային իրականության մասին ԼՂՀ Պաշտպանության նախարար, ՊԲ հրամանատար, գեներալ-լեյտենանտ Մովսես Հակոբյանի հետ զրույցը:
Պարոն նախարար, խնդրում եմ նշեք այս տարիների ընթացքում Պաշտպանության բանակի ամենամեծ ձեռքբերումն ու բացթողումը: Պաշտպանության բանակի ունեցած ձեռքբերումների և թերացումների վերաբերյալ ամենաշիտակ գնահատականը կարող է տալ մեր ժողովուրդը: Իսկ ինչ վերաբերում է Ձեր հարցին, ապա դրա ամենաազնիվ պատասխանը ադրբեջանա-ղարաբաղյան հակամարտության գոտում արդեն մոտ 20 տարի շարունակվող փխրուն, բայց տևական խաղաղությունն է, որն առաջին հերթին պայմանավորված է հենց մեր բանակի ձեռքբերումներով: Հասարակության որոշ հատվածի մոտ բանակի հանդեպ վստահության պակաս կա: Ի՞նչ է արվում, որ պատանիները չխուսափեն պարտադիր զինվորական ծառայությունից: Բանակի հանդեպ վստահության պակաս կարող են ունենալ նրանք, ովքեր անտեղյակ են բանակում տեղի ունեցող իրական զարգացումներից: Իսկ պարտադիր զինվորական ծառայության հետ կապված խնդիրներ չունենք, քանի որ բանակում մշտական և նպատակային աշխատանք է իրականացվում տվյալ ուղղությամբ: Այդ աշխատանքներից հատկապես կցանկանայի առանձնացնել բանակ-հասարակություն կապի շրջանակում նախազորակոչային տարիքի պատանիների հետ իրականացվող ռազմահայրենասիրական բնույթի գործընթացները, որոնց ներգրավվում են ինչպես հասարակության տարբեր խավերի ներկայացուցիչներ, այնպես էլ փորձառու զինվորականներ: Ինչպե՞ս է աշխատում առողջապահական համակարգը: Այս ուղղությամբ, ըստ Ձեզ, ի՞նչ քայլեր պետք է ձեռնարկվեն: Երևի թե բանակը պետական այն եզակի կառույցներից մեկն է, որտեղ յուրաքանչյուր ոք, լինի սպա, թե շարքային, տարվա ընթացքում երկու անգամ անցնում է պարտադիր բուժզննում: Բացի դրանից պարբերաբար ռազմաբժշկական ծառայության կողմից անց են կացվում նաև պլանային կանխարգելիչ մի շարք միջոցառումներ, որոնք հնարավորություն են տալիս ժամանակին ախտորոշել սեզոնային վարակիչ հիվանդությունները և ձեռնարկել համապատասխան հակազդիչ քայլեր: Բոլոր զորամասերում առկա են բուժմասեր, իսկ կայազորներում՝ հոսպիտալներ, որոնք համալրված են բարձրակարգ բուժանձնակազմով և ժամանակակից նյութատեխնիկական բազայով: Սակայն այս ամենով հանդերձ, եղածը մեզ համար բավարար սահման չէ և այդ ուղղությամբ մենք շարունակում ենք անընդհատ աշխատել ու կատարելագործվել: Բանակում զինվոր-սպա հարաբերությունները երբեմն հարթ չեն ընթանում: Մեծը օրինակ է կրտսերի համար, ինչպիսի՞ն պետք է լինի և իրականում ինչպիսի՞ն է հայկական բանակի սպան, երբ զինվորը մտնում է զորմաս: Բանակում յուրաքանչյուր գործընթաց կազմակերպվում և իրականացվում է զինվորական կանոնադրության պահանջներին համապատասխան: Իսկ դա նշանակում է, որ ինչպես սպան, այնպես էլ զինվորը՝ ունեն կանոնակարգված պարտականություններ ու իրավունքներ և նրանք պարտավոր են իրենց առջև դրված խնդիրները կատարել հենց այդ պարտականությունների և իրավունքների շրջանակում: Սա է բանակային իրականությունը: Եվ վերջում, ինչպիսի՞ն է հայկական բանակի դերը մեր տարածաշրջանում, մանավանդ, եթե հաշվի առնենք, որ Հայաստանը դեռ չլուծված կոնֆլիկտ ունի: Հայկական բանակը եղել ու մնում է մեր տարածաշրջանի անվտանգությունն ու խաղաղ գոյակցությունն ապահովող կարևոր գործոններից մեկը:Մարի Թարյան / PanARMENIAN News  |  Այլ հարցազրույցներ Վերջին լուրեր Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը  Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարելFastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստումGRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականըՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին |
Ուշադրության կենտրոնում
Հոդվածներ. Հայաստան և աշխարհ
