 Հենրիկ Նավասարդյան.Քաղաքապետարանը նախատեսում է 50 տոկոսով կրճատել շահագործվող միկրոավտոբուսների թիվը29 օգոստոսի 2011 PanARMENIAN.Net - Վերջին շրջանում հասարարկական տրանսպորտի հետ կապված հարցերը ամենաակտուալների թվում են: Երթուղային տաքսիների ցածր որակի ու ավելի շատ ավտոբուսների անհրաժեշտության մասին խոսում են թե հասարակությունը, թե Երևանի քաղաքապետարանը: Սակայն եթե հասարակությունն ու ակտիվիստները առավել հստակ են ձևակերպում իրենց պահանջները` պահանջելով արժանապատիվ երթևեկություն, չծխող ու սափրված վարորդներ, ապա քաղաքապետարանի տված տվյալները շատ մակերեսային են ու հիմնականում առանց ստույգ ժամկետների: PanARMENIAN.Net-ի թղթակիցը դիմել է Երևանի քաղաքապետարան` պարզելու,թե կոնկրետ երբ կներկրվեն խոստացված ավտոբուսները, հարմարեցված են արդյոք դրանք հաշմանդամների համար և երբ վերջնականապես դուրս կգան միկրոավտոբուսները: Հարցերին պատասխանել է Երևանի քաղաքապետարանի աշխատակազմի տրանսպորտի վարչության պետ Հենրիկ Նավասարդյանը:
Ե՞րբ են ներկրվելու չինական 400 ավտոբուսները: Չինական արտադրության ավտոբուսները Հայաստանի Հանրապետությանը տրամադրելու բանակցությունների առաջին փուլն ավարտված է և ըստ այդմ հոկտեմբերի վերջին կամ նոյեմբերի սկզբին Երևան կներկրվեն թվով 66 ավտոբուսներ: Ներկրելու պայմանագիրը ստորագրել ենք շաբաթ օրը: Սեպտեմբերի 5-ին Զարգացման վարչության պետի տեղակալ Արթուր Խաչատուրյանի հետ միասին կգնանք Չինաստան, որպեսզի շարունակենք բանակցությունները: Մեր գլխավոր խնդիրը էժան վարկային կազմակերպություն գտնելն է, որպեսզի քաղաքապետարանը կամ տնտեսարող սուբյեկտները հնարավորություն ունենան շահավետ պայմաններով և ցածր տոկոսադրույքով գնել անհրաժեշտ 400 ավտոբուսները: Բացի դա, ունենք ևս 170 ավտոբուս` որպես նվիրատվություն Չինաստանի կողմից, որոնք կներկրվեն մինչև 2012 թվականի հունիս: Ե՞րբ են ներկրվելու ուկրաինական «Ուկրավտո» կորպորացիայի ավտոբուսները: «Ուկրավտո» կորպորացիայի քանի՞ ավտոբուս է ներկրվելու: Ինչ վերաբերում է ուկրաինական «Ուկրավտո» կորպորացիայի արտադրած միջին տեղատարողության ավտոբուսների հնարավոր ներկրման հարցին, ապա տեղեկացնում ենք, որ 16.08.2011թ. Երևանի քաղաքապետ Կարեն Կարապետյանի և «Ուկրավտո» կորպորացիայի գլխավոր տնօրենի տեղակալ Անդրեյ Շպակի հանդիպման ժամանակ պայմանավորվածություն է ձեռքբերվել, համաձայն որի առաջիկայում տվյալ ընկերությունը կներկայացնի իր առաջարկների փաթեթը, որի քննարկումից հետո միայն հստակ կլինի, թե որքան ու ինչ ժամկետներում կներկրվեն տվյալ մակնիշի ավտոբուսներ: Հարմարեցվա՞ծ են արդյոք ավտոբուսները հաշմանդամների երթևեկության համար: Ավտոբուսները հաշմանդամների երթևեկին հարմարեցնելու հետ կապված տեղեկացնում ենք, որ մասնավորապես չինական կողմի հետ բանակցությունների շրջանակում մեր կողմից առաջարկ է ներկայացվել որոշ ավտոբուսներ հաշմանդամներին հարմարացնելու վերաբերյալ։ Ե՞րբ են երթուղիներից վերջնականապես դուրս գալու ՌԱՖ մակնիշի երթուղային տաքսիները: «Ռաֆ» մակնիշի միկրոավտոբուսները փոխարինման գործընթացի արդյունքում աստիճանաբար դուրս են բերվում շահագործումից։ Նոր մրցույթների անցկացման ժամանակ տվյալ մակնիշի միկրոավտոբուներն ի սպառ դուրս կմնան ուղևորափոխադրումների ոլորտից։ Ավտոբուսների ներկրման արդյունքում քանի՞ երթուղային տաքսի դուրս կգա երթուղիներից: Ավտոբուսների ներկրման արդյունքում նախատեսվում է կրճատել այսօր երթուղիներում շահագործվող միկրոավտոբուսների մոտ 50%-ը։ Քրիստինե Քյուրքլյան / PanARMENIAN News  |  Այլ հարցազրույցներ Վերջին լուրեր Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել  Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստումGRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականըՍենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունըՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին |
Ուշադրության կենտրոնում
Հոդվածներ. Հասարակություն
