ՀՀ նախագահը առաջինը փորձարկեց նոր չինական ավտոբուսներից մեկը 24 մարտի 2012 - 12:50 AMT PanARMENIAN.Net - Այսօր Հանրապետության հրապարակում ՀՀ նախագահ Սերժ Սարգսյանը, տրանսպորտի և կապի նախարար Մանուկ Վարդանյանը, Երևանի քաղաքապետ տարոն Մարգարյանն ու Հայաստանում Չինաստանի դեսպանության ներկայացուցիչները անձամբ փորձարկեցին Չինաստանից Երևան ներկրված « Higer-Bus» մակնիշի 249 ավտոբուսներից մեկը: Հայաստանի և Չինաստանի միջկառավարական համագործակցության արդյունքում Երևան է ներկրվել « Higer-Bus» մակնիշի 249 ավտոբուս: Դրանք փուլ առ փուլ կներգրավվեն մայրաքաղաքի հասարակական տրանսպորտի երթուղիներում և, համաձայն Երևան քաղաքի վերգետնյա հասարակական տրանսպորտի երթուղային նոր ցանցի, կսպասարկեն մայրաքաղաքի բնակիչներին: Ընդհանուր 45 ուղևոր տեղատարողությամբ 22 նստատեղով այս ավտոբուսները համալրված են տեխնիկապես հագեցած սարքավորումներով և օդափոխության համակարգերով: Ավտոբուսների միջնամասի հարթակը նախատեսված է նաև հատուկ կարիքներ ունեցող մարդկանց համար: Նախատեսվում է մինչև տարեվերջ դրանցից 25-ը կահավորել սայլակներով տեղաշարժվող ուղևորների ելումուտը ապահովող հատուկ սարքավորումներով: Դիզելային հզոր շարժիչներով այս ավտոբուսները հեշտ կառավարման ու արագ տեղաշարժվելու շնորհիվ նաև կբեռնաթափեն մայրաքաղաքի ուղևորատար տրանսպորտային հոսքերը: Երևանի քաղաքապետարանի տրանսպորտի վարչության պետ Հենրիկ Նավասարդյանի փաստմամբ` ավտոբուսները կսպասարկեն 6 երթուղի. 3-րդ համարը Հարավ-արևմտյան թաղամասից կշարժվի Նոր նորքի 8-րդ զանգված, 22-րդ համարը`Նոր Նորքի 9-րդ զանգվածից երկաթգծի կայարան, 32-րդ համարը`Հյուսիսային ավտոկայանից Գարեգին Նժդեհի հրապարակ, 38-րդ համարը`Նոր Նորքի զանգվածից քաղաքի կենտրոնով գնալու է Նորաբաց գյուղ , 54 համարը, որը կսպասարկի այսօրվանից, Ավան թաղամասից կշարժվի Նորաբաց գյուղ: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |