ՀԱԿ-ի նիստին ներկայացվել է ընտրական ծրագրի նախագիծը
ՀՀ Առաջին Նախագահ Լևոն Տեր-Պետրոսյանն այսօր վարել է «Հայ Ազգային Կոնգրես» ընտրական դաշինքի անդամ կուսակցությունների և Կոնգրեսի կենտրոնական գրասենյակի համատեղ նիստ:
Դաշինքի նիստում քննարկվել է ընտրական շտաբի ձևավորման հարցը: Որոշում է կայացվել այն ձևավորել կենտրոնական գրասենյակի հիմքի վրա, ինչպես նաև դաշինքի անդամ կուսակցությունների կողմից առաջարկներ ներկայացնել շտաբի համալրման վերաբերյալ:
Նիստում ներկայացվել է «Հայ Ազգային Կոնգրես» դաշինքի ընտրական ծրագրի նախագիծը, որն ընդունվել է որպես հիմք հետագա լրամշակման համար: Անդրադարձ է եղել քարոզարշավին առնչվող խնդիրներին:
