Դաշնակցությունը պատրաստվում է ապրիլի 10-ին Ազատության հրապարակում հանրահավաք անել: Այս մասին երեկ «Հայկական ժամանակ»-ին հայտնել են ՀՅԴ գրասենյակից: Դա կլինի կուսակցության առաջին նախընտրական հանրահավաքը: ՀՅԴ-ն պատրաստվում է մարզերում ևս հանրահավաքներ անել և արդեն գրաֆիկ է կազմել դրա համար: Երևանի քաղաքապետարանը երեկ ի գիտություն է ընդունել ՀՅԴ ԳՄ անդամ Արմեն Ռուստամյանի իրազեկումը՝ ապրիլի
10-ին հանրահավաք և երթ անելու վերաբերյալ: ՀՅԴ հանրահավաքից երկու օր առաջ էլ Ազատության հրապարակում պատրաստվում է հանրահավաք անել «Օրինաց երկիրը»: Երեկ հայտնի դարձավ, որ Երևանի քաղաքապետարանն իր գիտություն է ընդեւնոլ նաև ՕԵԿ-ի իրազեկումը: Երթ, սակայն, ՕԵԿ-ը չի անելու: Ի դեպ, Երևանի քաղաքապետարանն ի գիտություն է ընդունել նաև Հայ ազգային կոնգրեսի՝ մարտի 30-ին Ազատության հրապարակում հանրահավաք, այնուհետև երթ անցնելու իրազեկումը:
