«Չորրորդ ինքնիշխանությունը» դեռ շաբաթ օրը տեղեկացրել էր, որ ՕԵԿ-ի համամասնական ցուցակի 5-րդ հորիզոնականում հայտնվել է հայ հասարակությանը անծանոթ անուն-ազգանուն՝ Նելսոն Զուրոյան: Թերթի տեղեկություններով Զուրոյանը սովորել է Ֆրանսիայում և ստացել է այդ երկրի քաղաքացիություն:

Թերթին տեղեկացրել են, որ Զուրոյանը երկքաղաքացի է: Ինչպես նշում է թերթը, ՀՀ օրենսդրության համաձայն՝ օտարերկրյա քաղաքացիները չեն կարող մասնակցել ՀՀ ընտրություններին: Ւ դեպ՝ օրենքի այս դրույթը տարածվում է նաև երկքաղաքացիություն ունեցող անձանց վրա:

Ինչպես նշում է թերթը, «մնում է առաջադրումները գրանցելուց հետո լսել նաև ՀՀ Կենտրոնական ընտրական հանձնաժողովի հիմնավորումը»: