Վրաստանը ոչ ֆորմալ զինված միավորումներ է ստեղծում Աբխազիայի հետ սահմանակից շրջաններում, համոզված է ՌԴ ԱԳ փոխնախարարի պետական քարտուղար Գրիգորի Կարասինը: Այդ մասին նա հայտարարել է Անդրկովկասում կայունության և անվտանգության հարցերով միջազգային բանավեճերի 12-րդ փուլի ավարտից հետո, որը կայացել է հինգշաբթի օրը Ժնևում:
«Վերջին ամիսներին վրաց-աբխազական սահմանի համար բնութագրական է սրումը, որտեղ շարունակվում են վրացական հատուկ ծառայությունների սադրանքները: Հունվար ամսից սպանվել է յոթ հոգի: Հայտնվել են ինչ-որ զինված խմբավորումներ: Դա հաստատում են նաև վրացական ընդդիմադիր քաղաքական գործիչները»,- ասել է նա, հաղորդում է ՌԻԱ Նովոստին:
Նրա խոսքով, այդ փաստերը պետք է հետաքրքրեն ինչպես Եվրամիության դիտորդներին, ովքեր պատասխանատու են վրացական տարածքի համար, այնպես էլ ռուս սահմանապահներին, ովքեր կարող են վտանգի ենթարկվել: