Սեուլի Օլիմպիական մարզադաշտում ամերիկացի երգչուհի Լեդի Գագայի համերգ կարող են այցելել միայն 18 տարեկանը լրացած կորեացիները: Նման որոշում է ընդունել Կորեայի կառավարությունը՝ գալիք շոուն անհամապատասխան համարելով անչափահասների համար:
Ապրիլի 27-ին նախատեսված այդ համերգով երգչուհին սկսում է իր համաշխարհային շրջագայությունը: Սեուլից նա մեկնելու է Հոնկոնգ, ճապոնիա, Սինգապուր և Նոր Զելանդիա: Կազմակերպիչները հայտնել են, որ Հարավային Կորեան միակ երկիրն է եղել, որը սահմանափակել է երիտասարդության մուտքը երգչուհու համերգին:
Իշխանությունները նման քայլի գնացել են այն բանից հետո, երբ մի շարք պահպանողական հասարակական կազմակերպություններ և քրիստոնեական խմբեր պահանջել են ընդհանրապես չեղյալ հայտարարել համերգը:
Լեդի Գագան համալրել է արտիստների «սև ցուցակը», որոնց չի հաջողվել դուրս գալ սեուլյան բեմահարթակ Մերլին Մենսոնի, 50 cent-ի և Jay-Z-ի նման: