Տիգրան Սարգսյան. Հայաստանին լարված աշխատանք է սպասվում մոտակա երեք տարիներին
Եվրամիության հետ համագործակցության գործընթացքում արձանագրվել են ակնառու հաջողություններ, հայտնել է ՀՀ վարչապետ Տիգրան Սարգսյանը` ելույթ ունենալով մարտի 31-ին կառավարությունում Հայաստանի ազգային մրցունակության հիմնադրամի հոգաբարձուների խորհրդի հերթական նիստում: «Արդյունքում ԵՄ-ն հանդես եկավ Հայաստանի հետ Խորը և համապարփակ ազատ առևտրի համաձայնագրի բանակցությունների մեկնարկի շուրջ քաղաքական հայտարարությամբ: Այդ մասին հաղորդում է Հայաստանի կառավարության մամլո ծառայությունը:
«Այսինքն, այն նպատակը, որը դրել էինք մեր առջև, կատարվեց: Առաջիկայում մեզ սպասվում է երեք տարվա լարված աշխատանք, որպեսզի ՀՀ-ում ներդնենք ԵՄ-ի կողմից պահանջվող չափանիշները և վավերացնենք այս համաձայնագիրը, որը լուրջ առաջընթաց կապահովի մեր երկրի համար»,- նշել է վարչապետը:
