Հայոց ցեղասպանություն. Թուրքական դիվանագիտական իմունիտետի ապտակը շվեյցարական օրենքին 3 ապրիլի 2012 - 21:20 AMT PanARMENIAN.Net - Ինչպես և պետք էր սպասել, ԵՄ հարցերով Թուրքիայի նախարար Էգեմեն Բաղիշն այդպես էլ անպատիժ կմնա Հայոց ցեղասպանությունը ժխտելու համար: Հայտարարությունը, որը թուրքական նախարարն իրեն թույլ է տվել այս տարվա հունվարին Շվեյցարական Դավոսում տնտեսական ֆորումի ժամանակ, այդպես էլ անպատիժ կմնա, չնայած, որ նա ուղղակիորեն խախտել է Շվեյցարիայի օրենքը, որը արգելում է ժխտել ցանկացած ցեղասպանություններ, այդ թվում` Հայոց ցեղասպանությունը: Միամտություն կլիներ ենթադրել, որ Էգեմեն Բաղիշը համարձակություն է ունեցել հայտարարելու այն մասին, որ Հայոց ցեղասպանություն «չի եղել»` չիմանալով այն մասին, որ իր դիվանագիտական անձեռնմխելիությունը կփրկի նրան շվեյցարական Քրեական օրենսգրքի գործողությունից: Նմանապես միամտություն կլիներ նաև ենթադրել, որ նա կհետևի օրենքի տառին և ոգուն, որը անձեռնմխելիությամբ օժտված դիվանագետներին պարտադրում է, այնուամենայնիվ, հարգել և պահպանել այն երկրի օրենքները, որտեղ գտնվում են: Իր անպատժելիության հարցում վստահ Բաղիշի հայտարարությունը եվրոպական օրենսդրության երեսին նետված յուրօրինակ «ձեռնոց» էր և ծաղրանք Շվեյցարիայի բարոյական սկզբունքների հանդեպ: Շվեյցարիան ընդունել է մարտահրավերը և որոշել արժանի կերպով պատասխան տալ: Պատահական չէ, որ Ցյուրիխի կանտոնի դատախազ Կրիստին Բրաունշվիգը խոստացել է, որ Բաղիշի հանդեպ հետաքննությունն ավարտին կհասցնի, սակայն դրա հետ մեկտեղ հավելել է, որ անհրաժեշտ է «հաշվի առնել թուրքական նախարարի դիվանագիտական իմունիտետը»: Սակայն Շվեյցարիայի բարի նպատակները բախվեցին նույն այդ տխրահռչակ դիվանագիտական անձեռնմխելիությանը. Դատախազությունը վճռեց, որ չի կարող քրեական գործ հարուցել այլ երկրի` հանցանք գործած նախարարի հանդեպ, ինչպես դա եղավ 2007 թվականին, երբ Շվեյցարիայում երեք թուրքերի դատապարտեցին 150 օրվա ազատազրկման և 30 հազար շվեյցարական ֆրանկի չափով տուգանքի, կամ նույն 2007 թվականին, երբ Թուրքական Բանվորական կուսակցության ղեկավար Դողու Փերինչեքին դատապարտեցին 90 օրվա պայմանական ազատազրկման և 3 հազար շվեյցարական ֆրանկի չափով տուգանքի, երկու դեպքում էլ` Հայոց ցեղասպանության ժխտման համար: Այս անգամ Շվեյցարիան պետք է կուլ տա թուրքական ծաղրանքն իր օրենսդրության հանդեպ: Իսկ թուրքական իշխանություններին արժե խորհել իրենց պաշտոնյաների վարքի շուրջ, քանի որ Եվրոպան ԵՄ-ին անդամակցելու ձգտող և վերջինիս օրենքները չհարգող երկրի վրա ազդելու շատ այլ մեթոդներ ունի: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |