Էրատո Կոզակու-Մարկուլիս. Ցեղասպանության վերապրած ժողովուրդը հարգանքի է արժանի 3 ապրիլի 2012 - 21:23 AMT PanARMENIAN.Net - Այսօր Երևանում Հայաստանի և Կիպրոսի ԱԳ նախարարներ Էդվարդ Նալբանդյանի Էրատո Կոզակու-Մարկուլիսի մասնակցությամբ կայացած մամլո ասուլիսում ՀՀ արտաքին քաղաքական գերատեսչության ղեկավարը շնորհավորել է կիպրոսյան պաշտոնակցին երկկողմ հարաբերությունների 20-ամյակի կապակցությամբ և ընդգծել, որ երկու երկրների հարաբերությունները բավական բարձր մակարդակում են: Նա նշել է, որ Հայաստանը գնահատում է, որ Կիպրոսն առաջիններից մեկն է ճանաչել Ցեղասպանությունը: Նալբանդյանը մեծապես կարևորել է Կիպրոսի հայ համայնքի դերը երկկողմ հարաբերությունների խորացման հարցում և ասել, որ Հայաստանը Կիպրոսի կողքին է երկրի միավորման հարցում և չի ընդունում դրա մասնատումը: Էրատո Կոզակու-Մարկուլիսն իր հերթին ընդգծել է, որ ինքն ուրախ է գտնվելու այդպիսի հիանալի երկրում և վաղուց է սպասել այդ պահին, որպեսզի իր հարգանքն արտահայտի Ցեղասպանություն վերապրած ժողովրդի հանդեպ: Նա նշել է, որ մոտ 3500 հոգուց բաղկացած հայ համայնքը մեծ դեր է խաղում երկրի զարգացման և երկկողմ հարաբերությունների ամրապնդման գործում: Կոզակու-Մարկուլիսը նկատել է, որ ՀՀ և Կիպրոսի միջև ավելի քան 15 պայմանագիր է ստորագրվել, և համագործակցությունը շարունակվելու է: Կիպրոսյան գործնական շրջանակները շահագրգռված են առևտրատնտեսական համագործակցությամբ, նշել է նա: ԱԳ նախարարները հայտնել են, որ մամլո ասուլիսին նախորդած հանդիպմանը կողմերը քննարկել են երկկողմ համագործակցության, տարածաշրջանային և միջազգային անվտանգության հարցեր, այդ թվում` Կիպրոսի միավորման և Ղարաբաղի հիմնախնդիրները:
Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |