Եվրանեսթի Խորհրդարանական վեհաժողովում հայկական պատվիրակության ղեկավար Վահան Հովհաննիսյանը հաղորդել է, որ հայկական կողմը մտադիր է բարձրացնել Բաքվում Եվրանեսթի Խորհրդարանական վեհաժողովի ընդլայնված նիստում Իլհամ Ալիևի կողմից արված սկանդալային հայտարարության հարցը: «Այո, մենք նամակով ենք դիմելու, որում տալու ենք պատահածի ողջ գնահատականը, այն ամենի բացի, ինչ ասել ենք այնտեղ»,-հայտնել է նա PanARMENIAN.Net-ի թղթակցին:
Ըստ նրա, մասնավորապես, դրվելու է Ադրբեջանում նման մակարդակի միջոցառումներ չկազմակերպելու հարցը` նմանատիպ դեպքերից խուսափելու համար:
Հարկ է ընդգծել, որ հայկական պատվիրակության անդամ Նաիրա Զոհրաբյանը հայտարարել է, որ Եվրանեսթի ոչ մի ղեկավար կամ եվրոպական պատվիրակությունների անդամ բաց կերպով չեն քննադատել Ալիևի կողմից արված հայտարարությունը: Ընդ որում, հայկական պատվիրակության անդամները հաղորդել են, որ բազմաթիվ եվրապատգամավորներ և անգամ ադրբեջանցի պագամավորներ, ում անունները հասկանալի պատճառներով չեն հայտնում, Ալիևի ելույթից հետո մոտենում էին իրենց, որպեսզի իրենց անհամաձայնությունը հայտնեին Ալիևի հայտարարությանն ու իրեց աջակցության խոսքը հայտնեին:
Ապրիլի 3-ին Բաքվում տեղի ունեցած Եվրանեսթի Խորհրդարանական վեհաժողովի ընդլայնված նիստում Ադրբեջանի նախագահը իրեն թույլ է տվել հայերին կոչել «ֆաշիստներ»: Այդ հայտարարությունը դժգոհություն է առաջացրել նիստին ներկա գտնվող հայկական պատվիրակության մոտ: Վերջինս այն անվանել է ոչ կոռեկտ և դիվանագիտական նորմերի սահմաններից դուրս: Իրենց դժգոհությունն են արտահայտել նաև այլ երկրների պատվիրակության ներկայացուցիչներ:
Եվրանեսթի միջխորհրդարանական միավորմանն անդամակցում են Հայաստանը, Ադրբեջանը, Վրաստանը, Մոլդովան և Ուկրաինան:
