Իսրայելի բանակը դիտարկում է գազ արդյունահանող սարքավորումների վրա հրթիռ որսացող համակարգեր տեղադրելու հնարավորությունը, որոնք իսրայելական ընկերություններն առաջիկա տարիներին պլանավորում են կառուցել Միջերկրական ծովի արևելյան հատվածում: Այդ մասին հաղորդում է MIGNews-ը՝ մեջբերելով The Jerusalem Post-ը:
Իսրայելը մտավախություն ունի, որ «Հեզբոլլահը» կփորձի հարձակվել պլատֆորմների վրա` հակածովային հրթռիների կամ պայթուցիկ նյութերով բեռնված նավերի օգնությամբ:
Իսրայելի ռազմածովային նավատորմը մտահոգված է վերջերս Սիրիայի կողմից ռուսական «Յախոնտ» հականավային հրթիռների ձեռք բերմամբ, որոնք կարող են հանձնվել «Հեզբոլլահին» և օգտագործվել գազ արդյունահանող պլատֆորմների վրա հարձակվելու համար: