Սամվել Նիկոյանն ընդունեց ԵԽԽՎ Բյուրոյի նախընտրական դիտորդական առաքելության պատվիրակությանը11 ապրիլի 2012 - 21:06 AMT PanARMENIAN.Net - Հայաստանի Ազգային ժողովի նախագահ Սամվել Նիկոյանն այսօր ընդունեց Եվրոպական խորհրդի խորհրդարանական վեհաժողովի (ԵԽԽՎ) Բյուրոյի նախընտրական դիտորդական առաքելությանպատվիրակությանը` Բարոնուհի Էմմա Նիքոլսոնի(Միացյալ Թագավորություն) ղեկավարությամբ: ՀՀ խորհրդարանի ղեկավարը շնորհակալություն հայտնեց Հայաստանում կայանալիք ընտրություններին դիտորդական առաքելությամբ մասնակցելու իր հրավերն ընդունելու, ինչպես նաև ԵԽԽՎ և ՀՀ ԱԺ համագործակցության համար: Հանդիպմանը մասնակցում էին նաև ԵԽԽՎ-ում ՀՀ ԱԺ պատվիրակության անդամները, որոնց ակտիվ աշխատանքը պարոն Նիկոյանը բարձր գնահատեց: Խորհրդարանի ղեկավարը ներկայացրեց այն նախապատրաստական աշխատանքները, որոնք տարվում են ԱԺ առաջիկա ընտրությունները ժողովրդավարական սկզբունքներով ևմիջազգային չափանիշներին համահունչ անցկացնելու համար: Այս առումով նա կարևորեց այն դրական մթնոլորտը, որ այսօր ձևավորվել է երկրի ներքաղաքական դաշտում: ԱԺ նախագահի խոսքով` մեծ ջանքեր պահանջվեցին ներքաղաքական իրադրությունը կարգավորելու և բարենպաստ, հանդուրժողական մթնոլորտ ձևավորելու համար: ՊարոնՆիկոյանը կարևորեց նաև «Ընտրական օրենսգրքի» կատարելագործումը, որտեղ հաշվի են առնվել շահագրգիռ բոլոր կողմերի մոտեցումները, այդ թվում` միջազգային կառույցների: «Մեր խնդիրն է, որ իրոք անցկացվեն ազատ, ժողովրդավարական, թափանցիկ, միջազգային չափանիշներին համապատասխան ընտրություններ, և որ դրանց արդյունքները հենց այդպես գնահատեն Հայաստանի ու միջազգային հանրությունը»,- նշեց ԱԺ նախագահը: Բարոնուհու և դիտորդական առաքելության պատվիրակության անդամ Պյոտր Վախի (Լեհաստան) խնդրանքով, պարոն Նիկոյանը ներկայացրեց ԱԺ նախագահին կից ստեղծված մոնիթորինգային աշխատանքային խմբի կառուցվածքն ու գործառույթները: Այս նախաձեռնությունը Էմմա Նիքոլսոնը գնահատեց որպես շատ հետաքրքրական և լավ գաղափար:Նա նաև նշեց այն նկատելի դրական աշխատանքը, որ տարվում է ընտրությունները պատշաճ մակարդակով անցկացնելու ուղղությամբ, կարևորեց դիտորդականառաքելությունների դերը դրանց ժողովրդավարական բնույթն ապահովելու գործում: Բարոնուհին հավաստիացրեց, որ միջազգային դիտորդական առաքելություններըՀայաստանում ներկայացված կլինեն մեծ թիմով: Նախընտրական գործընթացների, ընտրությունների կազմակերպման առնչությամբ իրենց մոտեցումերը ներկայացրեցին նաև Զարուհի Փոստանջյանը («Ժառանգություն»), Արմեն Ռուստամյանը (ՀՅԴ), Դավիթ Հարությունյանը (ՀՀԿ), Հերմինե Նաղդալյանը (ՀՀԿ):
Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |