Լեհաստանում EURO-2012-ի ժամանակ գործազրկության մակարդակը կնվազի
EURO-2012 անցկացնելու կապակցությամբ Լեհաստանում գործազրկության մակարդակը կնվազի: Այս մասին հաղորդել է Լեհաստանի աշխատանքի և սոցիալական քաղաքականության նախարար Վլադիսլավ Կոսինյակ-Կամիշը: Նա համոզված է, որ առաջնությունը ոչ միայն երկրի տուրիստական առավելությունները ցույց տալու արտակարգ առիթ կլինի, այլև նոր աշխատատեղեր ստեղծելու հնարավորություն:
« Աշխատատեղեր կավելանան լոգիստիկայի, տրանսպորտի և հյուրանոցային գործի ոլորտներում»,- նշել է նախարարը:
Սակայն Կոսինյակ-Կամիշը նշել է, որ Եվրոպայի առաջնության անցկացման ժամանակ աշխատանքի տեղավորվածների մի մասը կարող է առաջնության ավարտից հետո կորցնել աշխատանքը:
Եվրոպայի առաջնությունը տեղի կունենա Ուկրաինայում և Լեհաստանում հունիսի 8-ից հուլիսի 1-ը:
