Կոլումբիայի նախագահը կոչ է արել ԱՄՆ-ին ամրապնդել կապերը Լատինական Ամերիկայի հետ
Կոլումբիայի նախագահ Խուան Մանուել Սանտոսը հորդորել է ԱՄՆ-ին ամրապնդել կապերը Հարավային Ամերիկայի պետությունների հետ:
«ԱՄՆ համար շահավետ կլինի հասկանալ, որ այդ երկրի երկարաժամկետ ռազմավարական շահերը կապված են ոչ թե Պակիստանի կամ Աֆղանստանի, այլ Լատինական Ամերիկայի հետ»,-Սանտոսին է մեջբերում «Ռոյթերս» գործակալությունը:
Քաղաքական գործիչը կոչ է արել պետությունների ղեկավարներին առավել պրագմատիկ լինել. «Եկեք հարգենք մեր տարբերությունները, սակայն միասին գործենք»:
Կոլումբիան միայն երկու տարի առաջ է կարգավորել հարաբերությունները Վենեսուելայի հետ: Ուգո Չավեսը չի հաստատել իր մասնակցությունն այսօրվա հանդիպմանը:
Ապրիլի 14-15-ին Կոլումբիայի Կարտախենա քաղաքում անցնում է վեցերորդ Համաամերիկյան գագաթաժողովը:
