1993 թվականին «Ալ Քաեդա» ահաբեկչական կազմակերպությունը աջակցություն է ցույց տվել Ադրբեջանին Հայաստանի դեմ պատերազմում` Լեռնային Ղարաբաղը վերահսկման համար: Այդ մասին ասվում է նյութերի հատուկ հավաքածույում, որը պատրաստել է «Washington ProFile»-ը` մահմեդականների թշնամիների դեմ Ուսամա բեն Լադենի կողմից սկսված պայքարի 25-ամյակի կապակցությամբ: Աղբյուրի համաձայն` 1993 թվականի սեպտեմբերին, մոտ 1,5 հազար աֆղանցի վետերաններ ժամանել են Ադրբեջան: Սակայն հայերի հետ մարտերում ծանր կորուստներից հետո ջոկատը ցրվել է: Գործակալության տվյալներով` հավաքածույում ներկայացված փաստերը բազմիցս վերստուգվել եւ հաստատվել են ԱՄՆ եւ աշխարհի հետազոտական կազմակերպությունների կողմից: