«Կինոշոկ» միջազգային փառատոնը հոբելյանական շրջագայությունը մեկնարկել է Հայաստանից20 ապրիլի 2012 - 17:42 AMT PanARMENIAN.Net - «Կինոշոկ» միջազգային փառատոնի 20-ամյա հոբելյանի շրջանակում նախատեսվող շրջագայությունը սկսվել է Հայաստանից: Ապրիլի 20-ին լրագրողների հետ հանդիպմանը կինոգետ Դավիթ Մուրադյանը դա պայմանավորեց այն հանգամանքով, որ 2011 թվականի փառատոնին ամենաշատը` 16 ֆիլմ, ներկայացվել էր Հայաստանից: Նրա խոսքով` «Կինոշոկ»-ն առաջին հերթին կինեմատոգրաֆիական եղբայության փառատոն է, որը ստեղծվել է դժվար ժամանակներում և համախմբել նախկին Խորհրդային Միության կինոգործիչներին, որպեսզի չանհետանա այն մշակութային միջավայրը, որ երկար տարիների ընթացքում ձևավորվել է ժողովուրդների միջև: «Սա հեղինակավոր փառատոն է, հետաքրքիր կենսագրությամբ, որն արդեն 20 տարի ղեկավարում են դրամատուրգ Վիկտոր Մերեժկոն և դերասանուհի Իրինա Շեվչուկը»,-ընդգծեց նա: Փառատոնի մամուլի ծառայության ղեկավար Վերա Մուսատովայի կարծիքով` «Կինոշոկ»-ը տարիներ շարունակ կարողացել է իր գլխավոր առաքելությանը համաձայն մշակութային շոկ առաջացնել: «Այն ճիշտ ժամանակին եկավ փոխարինելու Խորհրդային տարիների ամենահայտնի Համամիութենական կինոփառատոնին»,-նշեց նա: Մուսատովայի կարծիքով` «Կինոշոկ»-ը մյուս փառատոներից տարբերվում է կինոդիտումներից ու մամլո ասուլիսներից հետո կազմակերպվող ակտիվ քննարկումներով, ինչը հնարավորություն է տալիս վերլուծել փառատոնին ներկայացված ֆիլմերն ու կարծիքներ փոխանակել: «Կինոշոկ»-ը, որն այժմ պաշտոնապես կոչվում է ԱՊՀ, Լատվիայի և Լիտվայի երկրների բաց փառատոն, հոբելյանական շրջագայություններ կանցկացնի ապրիլից-հունիսն ընկած ժամանակահատվածում: Հայաստանում կներկայացվեն չորս` «Եվրասիացին», «Մակարով», «Հռետորը», «Վերածննդի կղզին» ֆիլմերը, որոնցից երեքը «Մոսկվայի տանը», իսկ վերջինը` «Մոսկվա» կինոթատրոնում: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |