Էներգետիկ ոլորտում համագործակցության ակտիվացման անհրաժեշտությունն են ընդգծել այսօր Կիեւում կայացած հանդիպման ժամանակ Ուկրաինայի նախագահ Լեոնիդ Կուչման եւ Հայաստանի վարչապետ Անդրանիկ Մարգարյանը: Ուկրաինական աղբյուրների համաձայն, կողմերը նշել են առեւտրատնտեսական դինամիկ զարգացումը երկու երկրների միջեւ, մասնավորապես, ուշադրությունը կենտրոնացնելով կրթության ոլորտում համագործակցության հեռանկարի վրա: Ուկրաինական պետության ղեկավարը շնորհակալություն է հայտնել Հայաստանի կառավարությանը ուշադիր վերաբերմունքի համար Տերնոպոլի ժողտնտեսության ակադեմիայի Երեւանի բաժանմունքի կարիքների հանդեպ, որը ուկրաինական բարձրագույն ուսումնական հաստատության միակ բաժանմունքն է Հարավային Կովկասում: