Ապրիլի 29-ին Գյումրիում տեղի ունեցավ վերակառուցված Քաղաքային մարզադաշտի բացման արարողությունը, որին ներկա էին ՀՀ նախագահ Սերժ Սարգսյանը, ՀՖՖ նախագահ Ռուբեն Հայրապետյանը, Շիրակի թեմի առաջնորդը և այլ պաշտոնյաներ:
Մարզադաշտն առաջին անգամ ընդունեց Հայաստանի ֆուտբոլի Գավաթի 2012 թվականի եզրափակիչը: Այս տարի այն վիճարկեցին Իջևանի “Իմպուլսն” ու Գյումրիի “Շիրակը”:
Չնայած մեկնարկային րոպեներին “Շիրակի” ֆուտբոլիսները փորձեցին նախաձեռնությունն իրենց ձեռքը վերցնել, առաջինը լուրջ հակագրոհը կազմակերպեցին դիլիջանցիները: Սակայն Նարեկ Դավթյանի հարվածը շեղ ստացվեց: Այնուհետև Գյումրու թիմը ևս մի քանի հնարավորություն ստեղծեց մրցակցի դարպասի մոտ, և խաղավարտից 5 րոպե առաջ նրանց հաջողվեց բացել հաշիվը: Գոլի հեղինակ դարձավ Իսմայիլ Ֆոֆանա Բեկոն:
Երկրորդ խաղակեսի սկզբնամասն անցավ համեմատաբար հավասար պայքարում, սակայն մրցակցի դարպասի մոտ վտանգավոր դրություններ ստեղծում էին “Շիրակի” ֆուտբոլիստները: Խաղավարտին նրանք կարող էին կրկնապատկել հաշիվը, սակայն հարմար դիրքում հայտնված Անդրանիկ Բարիկյանը չկարողացավ գոլով եզրափակել գորհը:Երկրորդ դեղին քարտն ստացավ ու դաշտից հեռացվեց “Շիրակի” ֆուտբոլիստ Կարեն Ալեքսանյանը: Խաղի ավարտին ստանալով թվային առավելություն, “Իմպուլսը” այդպես էլ չկարողացավ գրավել մրցակցի դարպասը: Խաղն ավարտվեց 1:0 հաշվով, և Հայաստանի այս տարվա գավաթակիր դարձավ “Շիրակը”, որն էլ ստցավ Եվրոպայի Լիգային մասնակցելու իրավունք:
