ՈւԵՖԱ նախագահ Միշել Պլատինիի ղեկավարությամբ Նիոնում տեղի է ունեցել Եվրո-2012-ի Համակարգող խորհրդի հանդիպումը, որտեղ ընդգրկված են Ուկրաինայի և Լեհաստանի ներկայացուցիչներ, ազգային գործակալությունների, կազմկոմիտեների անդամեր, ՈւԵՖԱ գործկոմի անդամներ:
Նիստը տեղի է ունեցել մրցաշարի բացումից 39 օր առաջ և նվիրված էր առաջնության նախապատրաստական աշխատանքների ընթացքին: Նշվեց առաջընթացը և ենթակառուցվածքների պատրաստ լինելը:
Հանգամանալից քննարկվեց անվտանգության ապահովման հարցը՝ նկատի ունենալով Դնեպրոպետրովսկում տեղի ունեցած պայթյունները: Երկու պետությունների կառավարությունները վստահեցրեցին, որ կապահովեն Եվրո-2012-ի հյուրերի՝ ֆուտբոլիստների և երկրպագուների, անվտանգությունը:
ՈւԵՖԱ-ն տեղեկացրեց նաև Ուկրաինայի պատվիրակությանը, որ Ուկրաինայում ստեղծված իրավիճակը մտահոգում է եվրոպացի քաղաքական գործիչներին, հայտնում է ՈւԵՖԱ պաշտոնական կայքը:
