Դավիթ Նալբանդյանը խոստովանել է, որ անհամբեր սպասում է մրցաշարի մեկնարկին Մադրիդում, որը կանցնի կապույտ գրունտային կորտերում:
«Նման ծածկն անմիջապես ուշադրություն է գրավում և ես արդեն շատ եմ ցանկանում փորձել այն: Ընդհանրապես Իսպանիայում ես ինձ ինչպես տանն եմ զգում: Այստեղ ինձ միշտ ջերմ են ընդունել: Հուսով եմ, որ այս տարի լավ արդյունք ցույց կտամ Մադրիդում և կաշխատեմ որքան հնարավոր է հեռուն գնալ»,-Նալբանդյանին է մեջբերում champioant.com.-ը:
Արգենտինահայ թենիսիստն այժմ հանդես է գալիս Սերբիայի բաց առաջնությունում: Երկրորդ շրջանում նա հաղթել է Ալյազ Նեդենեին (Սլովենիա): Հաջորդ փուլում նրա մրցակիցը կլինի բրազիլացի Ժոաո Սոուզան: