Ֆրանսիայի ներկայիս նախագահ Նիկոլյա Սարկոզին հաջողություն է մաղթել Ֆրանսուա Օլլանդին, ով առաջին արդյունքների համաձայն հաղթում է 4% տարբերությամբ: Նիկոլյա Սարկոզին զանգահարել է իր մրցակցին և հաջողություն մաղթել նրան այն բանից հետո, երբ փակվեցին ընտրատեղամասերը և հրապարակվեցին քվեարկության առաջին պաշտոնական արդյունքները:

«Ֆրանսիայի ժողովուրդը կատարեց իր ընտրությունը… Ֆրանսուա Օլլանդը Ֆրանսիայի նախագահն է և հարգանքի է արժանի»,- ասել է Սարկոզին իր կողմնակիցներին:

Ընտրությունների առաջին հրապարակված տվյալները ցույց են տվել, որ Սոցիալիստական կուսակցությունից թեկնածու Ֆրանսուա Օլլանդն առջևում է 50,8%-ով Նիկոլյա Սարկոզիի 49,2%-ի դիմաց: